మూవీ ఆర్టిస్ట్ అసోసియేషన్ ఎన్నికలు రోజుకో కొత్త మలుపు తిరుగుతున్నాయి. ఇరు వర్గాల ఆరోపణలు, ప్రత్యారోపణలతో తెలుగు చిత్రసీమలో వాతావరణం వేడెక్కింది. ఈ నెల 10న జరుగనున్న ‘మా’ ఎన్నికల్లో జనరల్ సెక్రటరీ పదవికి స్వతంత్య్ర అభ్యర్థిగా బరిలో నిలిచిన బండ్ల గణేష్ పోటీనుంచి తప్పుకొంటున్నట్లు ప్రకటించారు. తన నామినేషన్ను ఉపసంహరించుకున్నట్లు శుక్రవారం ఆయన ట్విట్టర్ ద్వారా ప్రకటించారు.‘నా దైవ సమానులు.. ఆత్మీయులు.. శ్రేయోభిలాషుల సూచన మేరకు నేను ‘మా’ జనరల్ సెక్రటరీ నామినేషన్ ఉపసంహరించుకుంటున్నాను’ అని బండ్ల గణేష్ పేర్కొన్నారు. ప్రకాష్రాజ్, శ్రీకాంత్లతో తాను కలిసి దిగిన ఫొటోను పోస్ట్చేశారు. ‘మా’ ఎన్నికల్లో తొలుత ప్రకాష్రాజ్కు మద్దతు ప్రకటించిన బండ్ల గణేష్ అనూహ్యంగా ఆయన ప్యానల్ నుంచి వైదొలిగి ఇండిపెండెంట్గా పోటీచేయబోతున్నట్లు ప్రకటించారు. తనదైన శైలిలో వినూత్నంగా ప్రచారం నిర్వహిస్తున్న ఆయన అర్ధాంతరంగా ఎన్నికల బరిలో నుంచి తప్పుకోవడం ఆసక్తిని రేకెత్తిస్తున్నది.