రీసెంట్గా విడుదల చేసిన బాలకృష్ణ ‘భగవంత్ కేసరి’ గణేశ్ ఆంథమ్ ఈ వినాయచవితికి చేసిన హంగామా అంతా ఇంతాకాదు. ఈ పాటకు అద్భుతమైన స్పందన లభించింది. ‘భగవంత్ కేసరి’ కోసం బాలకృష్ణ అభిమానులే కాదు. సగటు ప్రేక్షకుడు సైతం ఆసక్తిగా ఎదురుచూస్తున్నాడు. దసరా కానుకగా అక్టోబర్ 19న ఈ సినిమా విడుదల కానుంది. ఇదిలావుంటే, ఈ సినిమా కథ విషయంలో కొన్ని ఆసక్తికరమైన విషయాలు వెలుగు చూశాయి. ఇందులో హీరో కథరీత్యా జైల్లో ఉండాల్సి వస్తుందట.
ఆ జైల్ ఎపిసోడ్ అంతా తనదైన శైలిలో పగలబడి నవ్వించాడట దర్శకుడు అనిల్ రావిపూడి. ఆ ఎపిసోడ్లో అందరూ కామెడీ చేస్తారంట. కానీ బాలయ్య మాత్రం సీరియస్గా ఉంటారంట. ఆయన సీరియస్నెస్ నుంచే కామెడీ జనరేట్ అవుతూ ఉంటుందని తెలిసింది. ఓ విధంగా అనిల్ రావిపూడి కొత్త ప్రయోగమే చేశాడని చెప్పకతప్పదు. ఇది బాబాయి, కూతుర్ల కథ అని తెలుస్తున్నది. బాబాయిగా బాలయ్య, కూతురుగా శ్రీలీల చాలా గొప్పగా నటించారని యూనిట్ వర్గాల సమాచారం. ప్రపంచవ్యాప్తంగా భారీ స్థాయిలో ఈ చిత్రాన్ని విడుదల చేసేందుకు సన్నాహాలు చేస్తున్నారు.