అట్లీ దర్శకత్వంలో..

బాలీవుడ్‌ స్టార్‌ హీరో సల్మాన్‌ఖాన్‌ సౌత్‌ డైరెక్టర్‌తో సినిమా చేసేందుకు సిద్ధమవుతున్నారు. తమిళ యువ దర్శకుడు అట్లీ కుమార్‌తో సినిమా చేసేందుకు సల్మాన్‌ ఆసక్తి చూపిస్తున్నట్లు తెలుస్తున్నది. ఫెయిల్యూర్‌ లేని దర్శకుడిగా స్టార్స్‌ను ఆకర్షిస్తున్నారు.

బాలీవుడ్‌ స్టార్‌ హీరో సల్మాన్‌ఖాన్‌ సౌత్‌ డైరెక్టర్‌తో సినిమా చేసేందుకు సిద్ధమవుతున్నారు. తమిళ యువ దర్శకుడు అట్లీ కుమార్‌తో సినిమా చేసేందుకు సల్మాన్‌ ఆసక్తి చూపిస్తున్నట్లు తెలుస్తున్నది. ఫెయిల్యూర్‌ లేని దర్శకుడిగా స్టార్స్‌ను ఆకర్షిస్తున్నారు. ‘రాజా రాణి’ చిత్రంతో దర్శకుడిగా పరిచయమైన అట్లీ…విజయ్‌ హీరోగా ‘తెరి’, ‘మెర్సల్‌’, ‘బిగిల్‌’ వంటి సూపర్‌ హిట్‌ చిత్రాలను రూపొందించారు. ఈ ట్రాక్‌ రికార్డ్‌తోనే షారుఖ్‌ ఖాన్‌తో సినిమా చేసే స్థాయికి ఎదిగారు. ఈ బాలీవుడ్‌ స్టార్‌తో అట్లీ రూపొందిస్తున్న ‘జవాన్‌’ సినిమా ప్రస్తుతం చిత్రీకరణలో ఉంది. ఇటీవలే చెన్నైలో భారీ షెడ్యూల్‌ కంప్లీట్‌ చేసుకుంది. ఈ చిత్రం గురించి విన్న సల్మాన్‌ఖాన్‌ అట్లీతో సినిమా చేసేందుకు ఆసక్తి చూపిస్తున్నారు. త్వరలో వీరి చిత్రానికి సంబంధించిన ప్రకటన వెలువడే అవకాశం ఉందని టాక్‌ వినిపిస్తున్నది. మరోవైపు విజయ్‌ హీరోగా అట్లీ మరో సినిమా చేయాల్సిఉంది. తెలుగులోనూ ఎన్టీఆర్‌ హీరోగా అట్లీ ఓ చిత్రానికి అంగీకారం కుదుర్చుకున్నారు. వీటన్నింటి ముందుగా సల్మాన్‌ ప్రాజెక్ట్‌ వస్తుందా అనేది చూడాలి.