Asin | మేము విడిపోలేదు.. విడాకుల రూమర్స్‌పై సీరియస్‌ అయిన గజిని బ్యూటీ

Asin | అమ్మ నాన్న ఓ తమిళ అమ్మాయి చిత్రంతో టాలీవుడ్‌లో హీరోయిన్‌గా పరిచయమైన ఆసిన్‌, ఆ తరువాత తెలుగు సినీ పరిశ్రమలో వన్‌ఆఫ్‌ ద మోస్ట్‌ వాంటెడ్‌ హీరోయిన్‌గా క్రేజ్‌ తెచ్చుకున్నారు. శివమణి, గజిని, ఘర్షణ వంటి చిత్రాలతో పాపులర్‌ హీరోయిన్‌గా గుర్తింపు తెచ్చుకున్నారు. పలు బాలీవుడ్‌ చిత్రాల్లో నటించారు ఆసిన్‌.

Asin |  అమ్మ నాన్న ఓ తమిళ అమ్మాయి చిత్రంతో టాలీవుడ్‌లో హీరోయిన్‌గా పరిచయమైన ఆసిన్‌, ఆ తరువాత తెలుగు సినీ పరిశ్రమలో వన్‌ఆఫ్‌ ద మోస్ట్‌ వాంటెడ్‌ హీరోయిన్‌గా క్రేజ్‌ తెచ్చుకున్నారు. శివమణి, గజిని, ఘర్షణ వంటి చిత్రాలతో పాపులర్‌ హీరోయిన్‌గా గుర్తింపు తెచ్చుకున్నారు. పలు బాలీవుడ్‌ చిత్రాల్లో నటించారు ఆసిన్‌. ఆ తరుణంలోనే పారిశ్రామికవేత్త రాహుల్‌ శర్మను ప్రేమించి పెళ్లిచేసుకున్నారు ఆమె. పెళ్లి తరువాత సినిమాలకు దూరమయ్యారు అసిన్‌.

అయితే తాజాగా ఆమె భర్తతో దిగిన ఫోటోలను ఇటీవల ఇన్‌స్టాగ్రామ్‌లో తొలగించడంతో ఆమె భర్తతో విడాకులు తీసుకోనుందంటూ వార్తలు వచ్చాయి. ఈ వార్తలపై ఆసిన్‌ స్పందించారు. ‘వేసవి సెలవులను ఎంజాయ్‌ చేస్తున్న తరుణంలో కొన్ని వార్తలు మాకు కనిపించాయి. వాటిని చూశాక, పెళ్లి కోసం ఇరు కుటుంబాలను, పెద్దలను ఒప్పించిన ఆనాటి రోజులు గుర్తుకు వచ్చాయి. మేమిద్దరం విడాకులు తీసుకుంటున్నాం అంటూ వస్తోన్న వార్తలు నిరాధారమైన వార్తలు, ఇందులో ఎలాంటి నిజం లేదు. దయచేసి వార్తలు పబ్లిష్‌ చేసేటప్పుడు ఆలోచించండి. మా హాలీడేస్‌లో ఈ వార్తలకు సమయాన్ని కేటాయించినందుకు చింతిస్తున్నాం’ అని సోషల్‌ మీడియా వేదికగా తన స్పందనను పంచుకున్నారు ఆసిన్‌.