Love Me | టాలీవుడ్ యాక్టర్ ఆశిష్ (Ashish) నటిస్తోన్న హార్రర్ లవ్ థ్రిల్లర్ ‘లవ్మీ’ (Love Me Trailer). అరుణ్ భీమవరపు దర్శకత్వం వహిస్తున్న ఈ మూవీ ‘ఇఫ్ యు డేర్’ ట్యాగ్లైన్తో తెరకెక్కుతోంది. బేబి ఫేం వైష్ణవి చైతన్య ఫీ మేల్ లీడ్ రోల్లో నటిస్తోంది. లవ్ మీ మే 25న థియేటర్లలో సందడి చేయనుంది. ఈ నేపథ్యంలో హైదరాబాద్లో ఏర్పాటు చేసిన ప్రీ రిలీజ్ ఈవెంట్లో ఇంట్రెస్టింగ్ విషయాలను పంచుకున్నారు.
లవ్ మీకి సీక్వెల్ కూడా ఉందని మూవీ లవర్స్లో మరింత జోష్ నింపాడు డైరెక్టర్. అంతేకాదు షూటింగ్ కూడా త్వరలోనే షురూ కానున్నట్టు చెప్పాడు. ఆశిష్ మరోసారి హీరోగా నటించనున్నాడు. సీక్వెల్ కిల్ మీ ఇఫ్ యు లవ్ టైటిల్తో తెరకెక్కనున్నట్టు సమాచారం. లవ్ మీ సక్సెస్పై ధీమాగా ఉన్న మేకర్స్ అంతే కాన్ఫిడెంట్గా సీక్వెల్ కూడా ప్రకటించడం ఇప్పుడు టాక్ ఆఫ్ ది టౌన్గా మారింది.
లవ్ మీ చిత్రాన్ని దిల్ రాజు ప్రొడక్షన్స్ పతాకంపై హర్షిత్ రెడ్డి, హన్షిత, నాగమల్లిడి సంయుక్తంగా నిర్మిస్తున్నారు. ఈ చిత్రంలో కథానుగుణంగా దెయ్యం పాత్ర ఉండగా.. ఆ రోల్ ఎవరు పోషించారనేది మాత్రం ఇప్పటికే సస్పెన్స్లో పెట్టారు మేకర్స్. ఓ కుర్రాడు దెయ్యాన్ని ప్రేమించాలనుకుంటే ఎలా ఉంటుంది..? ఏమవుతుంది..? అనే డిఫరెంట్ కాన్సెప్ట్తో వస్తోన్న ఈ సినిమాలో ఆరుగురు హీరోయిన్లున్నారని క్యూరియాసిటీ పెంచేస్తున్నాడు ఆశిష్.
లవ్ మీ ట్రైలర్లో.. తనని చూస్తే నన్ను చంపేస్తుందేమో అని మీరు భయపడుతున్నారు..నన్ను చూశాక చంపకుండా వదిలేస్తుందేమో అని నేను భయపడ్తున్నాను.. అంటూ హీరో చెప్పే డైలాగ్స్ సినిమాపై అంచనాలు పెంచేస్తుంది. ఈ మూవీకి పీసీ శ్రీరామ్ కెమెరామెన్ కాగా.. లెజెండరీ మ్యూజిక్ డైరెక్టర్ ఎంఎం కీరవాణి మ్యూజిక్, బ్యాక్ గ్రౌండ్ స్కోర్ అందిస్తున్నాడు.
లవ్ మీ ట్రైలర్..
లవ్ మీ టీజర్..