Shankar-Ramcharan Movie | ఇండియా గర్వించ దగ్గ దర్శకులలో శంకర్ ఒకరు. హీరోలతో సంబంధంలేకుండా కేవలం పోస్టర్పైన ఈయన పేరు కనబడితే చాలు ప్రేక్షకులు థియేటర్లకు పరుగులు తీస్తుంటారు. శంకర్ తన సినిమాల్లో ఎంటర్టైనమెంట్తో పాటు ఒక మంచి సోషల్ మేసేజ్ కూడా ఇస్తుంటాడు. ఇక ప్రస్తుతం ఈయన రామ్చరణ్తో ‘RC15’ చేస్తున్నాడు. ప్రస్తుతం షూటింగ్ శరవేగంగా జరుగుతుంది. ‘ఆర్ఆర్ఆర్’తో చరణ్కు అంతర్జాతీయ స్థాయిలో గుర్తింపు వచ్చింది. ఈ క్రమంలో శంకర్ RC 15పై మరింత శ్రద్ధ తీసుకుంటున్నాడు. ఇక శంకర్ తన సినిమాల్లో టెక్నీషిన్లు ఎక్కువగా మార్చడు. కానీ ఈ సినిమాకు చాలా వరకు టెక్నీషిన్స్ను మార్చాడు.
ఈ చిత్రానికి ఆర్ట్ డైరెక్టర్గా ‘రంగస్థలం’ సినిమాకు పనిచేసిన రామకృష్ణ పనిచేస్తున్నాడు. ఇప్పటికే ఈయన ఈ చిత్రానికి భారీ సెట్లను కూడా వేశాడు. కాగా తాజాగా రామకృష్ణ ఈ ప్రాజెక్ట్ నుండి తప్పుకుంటున్నట్లు తెలుస్తుంది. శంకర్కు, ఈయనకు మధ్య క్రియేటీవ్ డిఫరెన్సెస్ రావడంతో సినిమా నుండి తప్పుకున్నాడట. కాగా ‘రాధేశ్యామ్’ సినిమాకు పనిచేసిన రవిందర్.. ఆర్ట్ డైరెక్టర్ ప్లేస్ను రిప్లేస్ చేస్తున్నాడట. త్వరలోనే దీనిపై అధికారిక ప్రకటన రానుంది. కియారా అద్వాని హీరోయిన్గా నటిస్తున్న ఈ చిత్రంలో రామ్చరణ్ రెండు విభిన్న గెటప్లలో కనిపించనున్నాడు. ఇప్పటికే చిత్రం నుండి లీకైన చరణ్ ఫోటోలకు విశేష స్పందన వచ్చింది. వీలైనంత త్వరగా షూటింగ్ పూర్తి చేసి వచ్చే ఏడాది ప్రథమార్థంలో సినిమాను విడుదల చేయాలని మేకర్స్ భావిస్తున్నారట. ఈ చిత్రాన్ని శ్రీ వెంకటేశ్వరా క్రియేషన్స్ పతాకంపై దిల్రాజు, శిరిష్ నిర్మిస్తున్నారు.