అనుమతి లేకుండా మహిళను తాకడం నేరమని తెలియదా.. లా స్టూడెంట్‌ ప్రవర్తనపై అపర్ణ బాలమురళి రియాక్షన్‌

నేషనల్‌ అవార్డు గ్రహిత అపర్ణ బాలమురళికి తాజాగా చేదు సంఘటన ఎదురైంది. తను నటించిన 'తన్కమ్‌' సినిమా ప్రమోషన్‌లో భాగంగా ఎర్నాకులంలోని ఓ ప్రభుత్వ లా కాలేజ్‌ను చిత్రయూనిట్‌ సందర్శించింది.

Aparna Balamurali | నేషనల్‌ అవార్డు గ్రహిత అపర్ణ బాలమురళికి తాజాగా చేదు సంఘటన ఎదురైంది. తను నటించిన ‘తన్కమ్‌’ సినిమా ప్రమోషన్‌లో భాగంగా ఎర్నాకులంలోని ఓ ప్రభుత్వ లా కాలేజ్‌ను చిత్రయూనిట్‌ సందర్శించింది. ఈ క్రమంలో ఓ స్టూడెంట్‌ స్టేజీపైకి వచ్చి అపర్ణకు షేక్‌ హ్యండ్‌ ఇచ్చి, బలవంతంగా పైకి లేపాడు. అంతటితో ఆగకుండా తనతో ఫోటో దిగడానికి ఆమె భుజంపై చేయి వేశాడు. అభిమాని చేష్టలతో ఇబ్బందికరంగా ఫీలైన అపర్ణ అతని నుంచి మెల్లగా తప్పించుకుంది. ప్రస్తుతం ఆ వీడియో నెట్టింట తెగ వైరల్‌ అవుతుంది. ఇక ఆ వీడియోపై పలువురు సెలబ్రెటీలు ఇది చాలా అసభ్యకరం అంటూ సోషల్‌ మీడియాలో స్పందిస్తున్నారు.

తాజాగా ఆ ఘటనపై నటి అపర్ణ బాలమురళి స్పందించింది. ఈ ఘటన తనను చాలా బాధించిందని తెలిపింది. లా చదువుతున్న విద్యార్థి ఒక మహిళ అనుమతి లేకుండా ఆమెను తాకడం నేరమన్న విషయం తెలియదా? అంటూ తనపై మండిపడింది. బలవంతంగా తన చేయి పట్టుకొని కుర్చీలో నుండి పైకి లేపడం సరికాదని. తను భుజాలపై అతను చేతులు వేసేందుకు ప్రయత్నించాడని అసహనం వ్యక్తం చేసింది. ఈ ఘటన జరిగిన వెంటనే నిర్వాహకులు తనకు క్షమాపణలు చెప్పారని తెలిపింది. అందుకే దీన్ని ఇష్యూ చేయాలనుకోవడం లేదని చెప్పుకొచ్చింది.

‘ఆకాశం నీ హద్దురా’ సినిమాతో ఈ బ్యూటీకి దక్షిణాదిన మంచి క్రేజ్‌ వచ్చింది. అంతేకాకుండా ఈ సినిమాలో తన నటనకు నేషనల్‌ అవార్డు గెలుచుకుంది. ప్రస్తుతం ఈ అమ్మడి చేతిలో అరడజనుకు పైగా సినిమాలున్నాయి.

തോളില്‍ കൈയ്യിടാന്‍ ശ്രമം; അപര്‍ണ ബാലമുരളിയോട് മോശമായി പെരുമാറി വിദ്യാര്‍ഥി#AparnaBalamurali #vineethSreenivasan #Lawcollege pic.twitter.com/1EHgSioHXf

— OneIndia Malayalam (@thatsMalayalam) January 18, 2023