అల్లు అర్జున్ ముద్దుల కూతురు అర్హ ..శాకుంతలం సినిమాతో వెండితెర ఎంట్రీ ఇవ్వనున్న విషయం తెలిసిందే. చిత్రంలో భరతుడి పాత్ర పోషిస్తున్న అర్హ రీసెంట్గా షూటింగ్లో పాల్గొంది. అర్హపై కీలక సన్నివేశాలను చిత్రీకరించారు చిత్ర బృందం. అర్హ పర్ఫార్మెన్స్ని చూసేందుకు బన్నీ రీసెంట్గా సెట్స్కి కూడా వచ్చిన విషయం తెలిసిందే.కూతురి నటనను చూసి తెగ మురిసిపోయిన ఆయన ఈ విషయాన్ని సోషల్ మీడియా ద్వారా షేర్ చేశాడు.
శకుంతల, దుష్యంతుడి కూతురు భరతుడి పాత్రలో అర్హ నటిస్తుండగా, ఆమెకు సంబంధించిన షూటింగ్ పూర్తి కావడంతో చిత్ర యూనిట్ గ్రాండ్గా వీడ్కోలు ఇచ్చింది. అర్హతో కేక్ కట్ చేయించి సెలబ్రేషన్స్ జరిపింది. ప్రస్తుతం ఇందుకు సంబంధించిన ఫొటోలు, వీడియోలు సోషల్ మీడియాలో చక్కర్లు కొడుతున్నాయి.
బన్నీ,అర్హ సినిమాల షూటింగ్స్ ఒకే లోకేషన్స్లో జరగడంతో ఈ విషయాన్నిబన్నీ తన సోషల్ మీడియా ద్వారా చెప్పి ఆనందించాడు. ”ఈ రోజు నేను నా కుమార్తె అర్హ ఒకే లొకేషన్ లో వేర్వేరు చిత్రాల షూటింగ్స్ చేస్తున్నాము. దీంతో నేను ఆమె సెట్ ను సందర్శించాను. 15-20 సంవత్సరాల తర్వాత ఇలాంటి సందర్భం వస్తుందని నేను భావించాను. కానీ ఇది చాలా త్వరగా జరిగింది. ‘శాకుంతలం’ లో భరత ని పుష్ప మీట్ అయ్యాడు. ఇది గుర్తుండిపోయే యాదృచ్చికమైన రోజు” అని అల్లు అర్జున్ ట్వీట్ లో పేర్కొన్నారు.