Adipurush Movie | ఆదిపురుష్‌పై నిషేధం.. సినీ వర్కర్స్‌ అసోసియేషన్‌ డిమాండ్‌

Adipurush Movie | ట్రైలర్‌, పాటలతో ఎంతెంత పాజిటీవిటీ సంపాదించుకుందో రిలీజయ్యాకా అంతకంటే ఎక్కువ నెగెటివిటీని ఎదుర్కొంటుంది ఆదిపురుష్ సినిమా. ప్రస్తుతం ఆదిపురుష్‌ సినిమాను వివాదాలు చుట్టు ముట్టాయి.

Adipurush Movie | ట్రైలర్‌, పాటలతో ఎంతెంత పాజిటీవిటీ సంపాదించుకుందో రిలీజయ్యాకా అంతకంటే ఎక్కువ నెగెటివిటీని ఎదుర్కొంటుంది ఆదిపురుష్ సినిమా. ప్రస్తుతం ఆదిపురుష్‌ సినిమాను వివాదాలు చుట్టు ముట్టాయి. ఇప్పటివరకు ఈ సినిమాకు ఒక్క పాజిటీవ్‌ రివ్యూ వస్తే ఒట్టు. సినిమా కథ, క్యారెక్టర్‌లు వాస్తవ రామాయణానికి భిన్నంగా ఉన్నాయని పలువురు మండిపడుతున్నారు. నెగెటివిటీని తగ్గించేందుకు చిత్రబృందం ఎన్నివిధాలా ప్రయత్నించిన ప్రేక్షకులు మాత్రం సినిమాపై విమర్శలు చేస్తూనే ఉన్నారు. తాజాగా ఈ సినిమా ప్రదర్శనను వెంటనే నిలిపివేయాలని ఆల్‌ ఇండియన్‌ సినీ వర్కర్స్‌ అసోసియేషన్‌ ప్రధాని మోదికి లేఖ రాసింది.

వెంటనే థియేటర్‌లో ఈ సినిమాను నిషేధించండి. భవిష్యత్‌లో ఓటీటీలోనూ విడుదల చెయ్యోద్దు అని విజ్ఞప్తి చేసింది. అంతేకాకుండా దర్శకుడు ఓం రౌత్‌, రైటర్‌ మనోజ్‌ శుక్లాపై ఎఫ్‌ఐఆర్‌ నమోదు చేయాలని కోరింది. ఈ సినిమాలోని డైలాగ్స్ రాముడు, హనుమంతుడి గౌరవాన్ని దెబ్బతీసేలా ఉన్నాయని లేఖలో పేర్కొంది. ఆదిపురుష్ సినిమా హిందువుల మతపరమైన సెంటిమెంట్లను, సనాతన ధర్మాన్ని దెబ్బతీస్తోందిని, ఆదిపురుష్ లోని రాముడు, రావణుడి పాత్రల్ని వీడియో గేమ్‌గా చిత్రీకరించారని అసోసియేషన్ ఆరోపించింది. ప్రపంచవ్యాప్తంగా ఉన్న ప్రతి భారతీయుడిని బాధించే విధంగా సినిమా ఉందని, తక్షణం ఈ సినిమా ప్రసారాల్ని ఆపేయమని ప్రధాని మోడీకి విజ్ఞప్తి చేసింది.

ఇక ఆదిపురుష్ కలెక్షన్‌లు కూడా పడిపోయాయి. తొలిమూడు రోజుల్లో మూడొందల కోట్లకు పైగా కలెక్షన్‌లు సాధించిన ఈ సినిమా సోమవారం కనీసం నలభై కోట్ల రేంజ్‌లో గ్రాస్‌ కలెక్షన్లు కూడా సాధించలేకపోయింది. ఇక ఇప్పుడు ఆదిపురుష్ ముందు కొండంత బ్రేక్‌ ఈవెన్‌ టార్గెట్‌ ఉంది. ఇప్పుడున్న పరిస్థుతుల్లో అది సాధ్యమయ్యేలా కనిపించడం లేదు. మరి ఫైనల్‌గా బ్రేక్‌ ఈవెన్‌ సాధించి విజయ కేతనం ఎగురవేస్తుందా? లేదా? అనేది చూడాలి.

All India Cine Workers Association write to Prime Minister Narendra Modi, requesting him to “stop screening the movie and immediately order a ban of #Adipurush screening in the theatres and OTT platforms in the future.

“We need FIR against Director Om Raut, dialogue writer… pic.twitter.com/jYq3yfv05c

— ANI (@ANI) June 20, 2023