మహా కుంభమేళాలో అఖండ తాండవం

అఖండ, వీరసింహారెడ్డి, భగవంత్‌ కేసరి చిత్రాలతో హ్యాట్రిక్‌ విజయాలను అందుకొని, రీసెంట్‌గా ‘డాకు మహారాజ్‌'తో డబుల్‌ హ్యాట్రిక్‌కు శ్రీకారం చుట్టారు నందమూరి బాలకృష్ణ. ప్రస్తుతం ఆయన నటిస్తున్న మోస్ట్‌ అవైటెడ్‌ పాన్‌ ఇండియా మూవీ ‘అఖండ తాండవం’. బ్లాక్‌బస్టర్‌ ‘అఖండ’కు సీక్వెల్‌గా తెరకెక్కుతున్న ఈ చిత్రానికి బోయపాటి శ్రీను దర్శకత్వం వహిస్తున్న విషయం తెలిసిందే.

అఖండ, వీరసింహారెడ్డి, భగవంత్‌ కేసరి చిత్రాలతో హ్యాట్రిక్‌ విజయాలను అందుకొని, రీసెంట్‌గా ‘డాకు మహారాజ్‌’తో డబుల్‌ హ్యాట్రిక్‌కు శ్రీకారం చుట్టారు నందమూరి బాలకృష్ణ. ప్రస్తుతం ఆయన నటిస్తున్న మోస్ట్‌ అవైటెడ్‌ పాన్‌ ఇండియా మూవీ ‘అఖండ తాండవం’. బ్లాక్‌బస్టర్‌ ‘అఖండ’కు సీక్వెల్‌గా తెరకెక్కుతున్న ఈ చిత్రానికి బోయపాటి శ్రీను దర్శకత్వం వహిస్తున్న విషయం తెలిసిందే. 14 రీల్స్‌ పతాకంపై రామ్‌ ఆచంట, గోపీచంద్‌ ఆచంట నిర్మిస్తున్న ఈ చిత్రానికి నందమూరి తేజస్విని సమర్పకురాలు. ఈ చిత్రం షూటింగ్‌ ప్రపంచంలోనే అతిపెద్ద ఆధ్యాత్మిక వేడుక అయిన మహా కుంభమేళాలో ఈ రోజున ఘనంగా మొదలైంది. కీలకమైన సన్నివేశాలను కుంభమేళాలో చిత్రీకరిస్తున్నట్టు మేకర్స్‌ ప్రకటించారు. ఈ సీక్వెల్‌పై భారీ అంచనాలు ఉన్నాయని, దానికి తగ్గట్టే పానిండియా స్థాయిలో చిత్రాన్ని నిర్మిస్తున్నామని మేకర్స్‌ తెలిపారు. ప్రగ్యా జైస్వాల్‌ కథానాయికగా నటిస్తున్న ఈ చిత్రంలో సంజయ్‌దత్‌ విలన్‌గా నటించనున్నట్టు వార్తలొస్తున్నాయి. ఈ చిత్రానికి కెమెరా: సి.రాంప్రసాద్‌, సంతోష్‌ డి డెటాకే, సంగీతం: థమన్‌ ఎస్‌.