Bholaa movie Release date | బాలీవుడ్ హీరో అజయ్ దేవగన్ తెలుగు ప్రేక్షకులకు పరిచయం అక్కర్లేని పేరు. కేవలం నటుడుగానే కాకుండా దర్శకుడిగా, నిర్మాతగా పలు విభాగాల్లో పనిచేస్తూ బహుముఖ ప్రజ్ఞాశాలిగా బాలీవుడ్లో ప్రత్యేక గుర్తింపు తెచ్చుకున్నాడు. బాలీవుడ్లో బిజీయెస్ట్ నటులలో ఈయన ఒకడు. ఏడాదికి మూడు నాలుగు సినిమాలను చేస్తూ తీరిక లేకుండా షూటింగ్లలో పాల్గోంటాడు. ఇటీవలే ఈయన నటించిన దృశ్యం-2 రిలీజై సంచలన విజయం సాధించింది. దాదాపు రూ.300 కోట్లు కలెక్ట్ చేసి బాలీవుడ్ బాక్సాఫీస్కు పూర్వ వైభవం తీసుకొచ్చింది. ఇక ప్రస్తుతం ఈయన చేతిలో అరడజను సినిమాలున్నాయి. అందులో ‘భోళా’ ఒకటి. అజయ్ దేవగన్ స్వీయ దర్శకత్వంలో తెరకెక్కిస్తున్న ఈ సినిమా కార్తి నటించిన ‘ఖైదీ’ సినిమాకు రీమేక్గా రూపొందుతుంది.
తాజాగా మేకర్స్ ఈ సినిమా రిలీజ్ డేట్ను ప్రకటించారు. ఈ చిత్రాన్ని వచ్చే ఏడాది మార్చి 30న రిలీజ్ చేస్తున్నట్లు మేకర్స్ వెల్లడించారు. ఈ చిత్రంలో పెరోల్ పై విడుదలైన ఒక ఖైదీ తన కూతురు కోసం కష్టాల్లో ఉన్న పోలీసుల్ని ఎలా ఆదుకున్నాడు అన్ కథాంశంతో ఈ మూవీ తెరకెక్కింది. ఇందులో కార్తీ ఢిల్లీ అనే పాత్రను పోషించాడు. అదే పాత్రను అజయ్ దేవగణ్ భోళాగా చేస్తున్నాడు. ఇప్పటికే చిత్రబృందం రిలీజ్ చేసిన పోస్టర్లు, టీజర్ సినిమాపై భారీ అంచనాలు నమోదు చేశాయి. గతంలో ఈ సినిమాను ఓటీటీలోనే నేరుగా రిలీజ్ చేస్తున్నట్లు వార్తలు వచ్చాయి. అయితే ఆ రూమర్స్కు చెక్ పెడుతూ ఈ సినిమా థియేటర్లోనే రిలీజ్ కానుందని చిత్రబృందం తెలిపింది.
Ek Chattaan, Sau Shaitaan.
Iss kalyug mein aa raha hai #Bholaa, 30th March 2023.#Bholaain3D #Tabu pic.twitter.com/DoXKMutLtA
— Ajay Devgn (@ajaydevgn) December 20, 2022