Top Gear Movie Trailer |హిట్లు, ఫ్లాపులలో సంబంధంలేకుండా వరుసగా సినిమాలను చేస్తూ ప్రేక్షకులను ఎంటర్టైన్ చేస్తుంటాడు ఆది సాయికుమార్. ‘ప్రేమకావాలి’ సినిమాతో ఇండస్ట్రీలోకి ఎంట్రీ ఇచ్చిన ఆది అనతికాలంలోనే మంచి నటుడిగా గుర్తింపు తెచ్చుకున్నాడు. ప్రస్తుతం ఈయన క్రేజ్ ఎలా ఉన్నా సినిమాలను మాత్రం వరుస పెట్టి ఓకే చేస్తున్నాడు. ఇప్పటికే ఈయన ఆరు సినిమాలను లైన్లో పెట్టాడు. ఆందులో ‘టాప్ గేర్’ ఒకటి. శశికాంత్ దర్శకత్వం వహించిన ఈ చిత్రం డిసెంబర్ 30న రిలీజ్ కానుంది. ఈ క్రమంలో చిత్రబృందం వరుస అప్డేట్లను ప్రకటిస్తూ సినిమాపై క్యూరియాసిటీ పెంచుతున్నారు. తాజాగా మేకర్స్ ఈ సినిమా ట్రైలర్ను రిలీజ్ చేశారు.
ట్రైలర్ మొత్తం ఆద్యాంతం ఆసక్తికరంగా సాగింది. హై ఓల్టేజ్ యాక్షన్ సీన్లు, చేజింగ్ సీన్లు ఉత్కంఠ భరితంగా ఉన్నాయి. ప్రతీ ఒక్కరు డేవిడ్ గురించి వెతుకుతూ ఉన్నట్లు ట్రైలర్ చూస్తే తెలుస్తుంది. అసలు డేవిడ్ ఎవరు? డేవిడ్ వల్ల ఆది ఎలా చిక్కుల్లో పడ్డాడు? చివరికి డేవిడ్ దొరికాడా? అనే చాలా ప్రశ్నలను ట్రైలర్ సంధిస్తున్నాయి. ట్రైలర్ చివర్లో అసలు ఎవర్రా మీరు .. నన్నెందుకు చంపాలనుకుంటున్నారు అని ఆది చెప్పే డైలాగ్ ఆసక్తిని క్రియేట్ చేసింది. హర్షవర్ధన్ నేపథ్య సంగీతం గూస్బంప్స్ తెప్పిస్తుంది. సాయి శ్రీనివాస్ సినిమాటోగ్రఫీ ఆకట్టుకుంటుంది.
యాక్షన్ థ్రిల్లర్ నేపథ్యంలో తెరకెక్కుతున్న ఈ చిత్రాన్ని ఆదిత్య మూవీస్, శ్రీ ధనలక్ష్మీ ప్రొడక్షన్స్ బ్యానర్పై కే.వి శ్రీధర్ రెడ్డి నిర్మిస్తున్నాడు. ఈ చిత్రంలో ఆది క్యాబ్ డ్రైవర్గా కనిపించనున్నాడు. ఆదికి జోడీగా రియా సుమన్ నటిస్తున్నాడు. బ్రహ్మాజి కీలకపాత్రలో నటిస్తున్న ఈ చిత్రానికి హర్షవర్ధన్ రామేశ్వర్ సంగీతం అందిస్తున్నాడు.