Visit:
lakshmi menon | కేర‌ళలోని కొచ్చిలో ఐటీ ఉద్యోగిని కిడ్నాప్ చేసి, దాడి చేసిన కేసులో తమిళ నటి లక్ష్మీ మీనన్‌తో పాటు మరో ముగ్గురిపై కేసు నమోదైన విష‌యం తెలిసిందే. ఈ కేసులో నటి లక్ష్మీ మేనన్‌కు ఊరట లభించింది. కేరళ కోర్టు సెప్టెంబర్‌ 17 వరకూ న‌టికి ముంద‌స్తూ బెయిల్‌ను మంజూరు చేసింది. అప్పటి వరకూ ఆమెను అరెస్ట్ చేయొద్దని పోలీసులకు సూచించింది.
అసలేం జ‌రిగిందంటే.. గ‌త ఆదివారం కొచ్చిలోని ఒక రెస్టారెంట్ బార్ వద్ద లక్ష్మీ మీనన్ గ్యాంగ్‌కి, ఐటీ ఉద్యోగినికి మధ్య వాగ్వాదం జరిగింది. ఈ గొడవ తర్వాత, నటి లక్ష్మీ మీనన్ ఆమె స్నేహితులు ఐటీ ఉద్యోగిని వెంబడించి, అతడి కారును అడ్డగించారు. ఆ తర్వాత అతడిని బలవంతంగా తమ కారులోకి లాక్కొని దాడికి పాల్పడ్డారని స‌మాచారం. అయితే దీనిపై కేసును న‌మోదు చేసిన ఎర్నాకులం నార్త్ పోలీసులు నటి స్నేహితులైన మిథున్, అనీష్, సోనామోల్ అనే ముగ్గురిని అరెస్ట్ చేశారు. ఇక నిందితుల్లో ఒకరిగా ఉన్న నటి లక్ష్మీ మీనన్ కోసం ప్ర‌స్తుతం పరారీలో ఉందని ఆమె ఫోన్ స్విచ్ఛాఫ్ చేసి ఉందని పోలీసులు తెలిపారు. ఆమెను పట్టుకునేందుకు గాలింపు చర్యలు చేపడుతున్నట్లు వెల్ల‌డించారు. అయితే నటి పేరును ఇంకా ఎఫ్ఐఆర్‌లో పోలీసులు చేర్చ‌లేద‌ని స‌మాచారం.
లక్ష్మీ మీనన్ ప్రధానంగా తమిళ చిత్రాలలో ఎక్కువ‌గా న‌టించింది. ఆమె న‌టించిన చిత్రాలలో కుమ్కి (Kumki), సుందరపాండియన్ (Sundarapandian), జిగర్తాండ (Jigarthanda), వేదాలం (Vedalam), చంద్రముఖి 2 (Chandramukhi 2) వంటి తదిత‌ర చిత్ర‌లతో న‌టిగా గుర్తింపు తెచ్చుకుంది. విశాల్ న‌టించిన ఇంద్రుడు చిత్రంతో సూప‌ర్ హిట్ అందుకుంది.
