Visit:
ఓటీటీ సంస్కృతి మొదలయ్యాక, వెబ్ సిరీస్లు కూడా సినిమాల స్థాయిలో ప్రేక్షకాదరణ పొందుతున్నాయి. అందుకే పెద్ద స్టార్స్ సైతం వెబ్ సిరీస్లో నటించేందుకు ఉత్సాహం చూపిస్తున్నారు. ఇప్పటికే వెంకటేశ్, దగ్గుబాటి రానా కలిసి ‘రానా నాయుడు’ అనే వెబ్సిరీస్ చేశారు. అయితే అది తెలుగు వెబ్ సిరీస్ కాదు. హిందీలో రూపొంది, ఇతర భాషల్లోకి అనువదించబడింది. తెలుగు మినహా ఇతర భాషల్లో ఆ సిరీస్ బాగానే ఆదరణ పొందింది.
అలాగే.. తాజాగా మరో నోటెడ్ హీరో సిద్ధు జొన్నలగడ్డ కూడా ఓ వెబ్ సిరీస్లో నటించేందుకు సిద్ధమయ్యారు. తెలుగులో రూపొందనున్న ఈ వెబ్ సిరీస్ని సితార ఎంటర్టైన్మెంట్స్ పతాకంపై సూర్యదేవర నాగవంశీ నిర్మించనున్నారు. మీనాక్షి చౌదరి కథానాయిక. వెంకీ అట్లూరి దర్శకత్వం వహిస్తారు. ఈ సిరీస్కి సంబంధించిన ప్రీ ప్రొడక్షన్ వర్క్ సైతం మొదలైంది. నోటెడ్ హీరో చేస్తున్న తొలి తెలుగు వెబ్సిరీస్ ఇదే కావడం విశేషం.
