Ante Sundaraniki | ఫలితం ఎలా ఉన్నా ప్రేక్షకులకు కొత్త కథలను చూపించాలని అనుకునే అతికొద్ది మంది నటులలో నాని ఒకడు. ఈయన నుంచి సినిమా వస్తుందంటే ప్రేక్షకులు కూడా ఎంతో ఆసక్తితో ఎదురు చూస్తుంటారు. రొటీన్కు భిన్నంగా కథలను ఎంచుకుంటూ మినిమమ్ గ్యారెంటీ హీరోగా టాలీవుడ్లో మంచి గుర్తింపు తెచ్చుకున్నాడు. ప్రస్తుతం ఈయన హీరోగా నటించిన లేటెస్ట్ చిత్రం ‘అంటే సుందరానికీ’. ‘బ్రోచేవారెవరురా’ ఫేం వివేక్ ఆత్రేయా దర్శకత్వం వహించాడు. రొమాంటిక్ కామెడీ ఎంటర్టైనర్గా తెరకెక్కిన ఈ చిత్రం జూన్ 10న ప్రేక్షకుల ముందుకు రానుంది. ఈ క్రమంలో చిత్రబృందం ప్రమోషన్లను జోరుగా జరుపుతుంది.
ప్రమోషన్లలో భాగంగా నాని పలు ఆసక్తికర విషయాలను ప్రేక్షకులతో పంచుకున్నాడు. ఈ క్రమంలో నాని తన లైఫ్లో ‘జైభీమ్’ లాంటి సినిమా చేయాలనుకుంటున్నట్లు తెలిపాడు. అంతేకాకుండా దళపతి విజయ్ సినిమలో కీ రోల్ చేస్తున్నట్లు, ప్రశాంత్ నీల్ దర్శకత్వంలో సినిమా చేస్తున్నట్లు వస్తున్న వార్తలన్ని అవాస్తవమని.. వాటిని విని తను కూడా ఆశ్చర్యపోయానని తెలిపాడు. అంటే సుందరానికీ చిత్రంలో నానికి జోడీగా నజ్రియా హీరోయిన్గా నటించింది. వివేక్ సాగర్ సంగీతం అందించిన ఈ చిత్రాన్ని మైత్రీ సంస్థ నిర్మించింది.