Aamir Khan | చిన్ననాడే కఠిన నిబంధనలు… ప్రేమకథా సినిమాలకు దూరంగా పెరిగాన‌న్న‌ అమీర్ ఖాన్

Aamir Khan | బాలీవుడ్‌లో వైవిధ్యమైన పాత్రలతో “మిస్టర్ పర్ఫెక్ట్”గా పేరు తెచ్చుకున్న అమీర్ ఖాన్ తాజాగా తన చిన్ననాటి జ్ఞాపకాలను పంచుకుంటూ ఆసక్తికర విషయాలు వెల్లడించారు. వెండితెరపై ఎన్నో రొమాంటిక్, భావోద్వేగ కథల్లో నటించిన ఆయన, నిజ జీవితంలో మాత్రం చాలా కట్టుబాట్ల మధ్య పెరిగినట్లు తెలిపారు

Aamir Khan | బాలీవుడ్‌లో వైవిధ్యమైన పాత్రలతో “మిస్టర్ పర్ఫెక్ట్”గా పేరు తెచ్చుకున్న అమీర్ ఖాన్ తాజాగా తన చిన్ననాటి జ్ఞాపకాలను పంచుకుంటూ ఆసక్తికర విషయాలు వెల్లడించారు. వెండితెరపై ఎన్నో రొమాంటిక్, భావోద్వేగ కథల్లో నటించిన ఆయన, నిజ జీవితంలో మాత్రం చాలా కట్టుబాట్ల మధ్య పెరిగినట్లు తెలిపారు.తన కుటుంబం చాలా సంప్రదాయబద్ధంగా ఉండేదని, చిన్నప్పటి రోజుల్లో సినిమాలు చూసే విషయంలో కూడా కఠిన నియమాలు ఉండేవని అమీర్ చెప్పారు. ముఖ్యంగా ప్రేమకథా చిత్రాలు చూడటానికి ఇంట్లో అనుమతి ఉండేది కాదని ఆయన గుర్తు చేసుకున్నారు. అప్పట్లో పెద్దలు సినిమాలు పిల్లల మనస్తత్వంపై ప్రభావం చూపుతాయని భావించి ఇలాంటి నియంత్రణలు విధించేవారని పేర్కొన్నారు.

అయితే, ఈ పరిమితులు తనలోని సినిమా పట్ల ఆసక్తిని తగ్గించలేకపోయాయని అమీర్ అన్నారు. కుటుంబ విలువలను గౌరవిస్తూ, మరోవైపు కళపై ఉన్న మక్కువను పెంచుకుంటూ ముందుకు సాగానని చెప్పారు. ఈ క్రమంలోనే తన సినిమాల్లో కథకు ప్రాధాన్యం, సామాజిక బాధ్యత వంటి అంశాలు ఉండేలా చూసుకోవడంలో ఈ పెంపకం ప్రభావం చూపిందని అభిప్రాయపడ్డారు. ప్రస్తుత డిజిటల్ యుగంతో పోలిస్తే అప్పటి పరిస్థితులు చాలా భిన్నంగా ఉండేవని అమీర్ వివరించారు. నేటి తరానికి అన్ని రకాల కంటెంట్ సులభంగా అందుబాటులో ఉన్నప్పటికీ, అప్పట్లో కుటుంబం విధించిన నియమాలు క్రమశిక్షణను నేర్పేవని అన్నారు.

ఇదిలా ఉంటే, తన కెరీర్‌లో ఎన్నో ప్రేమకథా చిత్రాల్లో నటించినప్పటికీ, వ్యక్తిగత జీవితంలో మాత్రం అలాంటి సినిమాలకు దూరంగా పెరగడం విశేషమని ఆయన వ్యాఖ్యానించారు. ప్రస్తుతం అమీర్ ఖాన్ తన తదుపరి ప్రాజెక్టులతో బిజీగా ఉన్నారు. అలాగే తన కుమారుడు జునైద్ ఖాన్ సినీ కెరీర్‌పై ప్రత్యేక దృష్టి సారిస్తూ, అతనికి సంబంధించిన పనులను కూడా స్వయంగా చూసుకుంటున్నారు. ఇటీవల, ప్రముఖ గాయకుడు అర్జిత్ సింగ్‌తో తన కుమారుడి సినిమా కోసం పాట పాడించేందుకు అమీర్ స్వయంగా అతని స్వగ్రామానికి వెళ్లి ఒప్పించినట్లు సమాచారం. ఇది ఆయన తన పనిపై చూపించే నిబద్ధతకు మరో నిదర్శనంగా మారింది.