టాలీవుడ్ మెగాస్టార్ చిరంజీవి (Chiranjeevi) కోసం బాలీవుడ్ (Bollywood) స్టార్ హీరో అమీర్ ఖాన్ (aamir khan) లాల్ సింగ్ చధా (Laal Singh Chaddha) స్పెషల్ షో వేసిన విషయం తెలిసిందే. చిరు ఇంట్లో ఏర్పాటు చేసిన ఈ షోకు అమీర్తోపాటు నాగార్జున, నాగచైతన్య, సుకుమార్, రాజమౌళి హాజరయ్యారు. తెలుగులో లాల్ సింగ్ చద్దాను సమర్పించనున్నాడు చిరంజీవి. ఈ నేపథ్యంలో చిరంజీవికి ధన్యవాదాలు తెలియజేశాడు అమీర్ ఖాన్.
చిరంజీవి సార్ మాపై అమితమైన ప్రేమను చూపిస్తున్నందుకు ధన్యవాదాలు. మేమిప్పటికీ నమ్మలేకపోతున్నాం. చాలా చాలా కృతజ్ఞతలు సార్. మీ సపోర్టు అఖండమైనది అంటూ క్యాప్షన్ ఇచ్చాడు అమీర్ ఖాన్. ఈ పోస్ట్ ఇపుడు నెట్టింట్లో ట్రెండింగ్ అవుతోంది. అమీర్ ఖాన్ ప్రొడక్షన్స్, వయాకామ్ 18 పిక్చర్స్ సంయుక్తంగా నిర్మిస్తున్నాయి. ఆగస్టు 11న గ్రాండ్గా థియేటర్లలో విడుదల కాబోతుంది.
ఫారెస్ట్ గంప్కు రీమేక్ గా వస్తున్న లాల్ సింగ్ చధా సినిమా కోసం ఎలాంటి కష్టం పడ్డాడో అమీర్ఖాన్ నాతో చెప్పాడని చిరంజీవి గుర్తు చేసుకున్న విషయం తెలిసిందే. నాగచైతన్య (Naga Chaitanya) బాలీవుడ్ డెబ్యూ సినిమాకోసం ఆసక్తిగా ఎదురుచూస్తున్నానని అన్నాడు చిరంజీవి. లాల్ సింగ్ చద్ధాలో కరీనా కపూర్ ఫీ మేల్ లీడ్ రోల్లో నటిస్తోంది.