Visit:
Aadikeshava Movie | వైష్ణవ్ తేజ్‌ హిట్టు కొట్టి రెండేళ్లయింది. ఉప్పెన తర్వాత రిలీజైన రెండు సినిమాలు డిజాస్టర్‌లుగా మిగిలాయి. ఉప్పెన వంద కోట్ల గ్రాస్‌ సాధిస్తే.. ఆ తర్వాత రిలీజైన రెండు సినిమాలు కలిపి కూడా 50కోట్ల గ్రాస్‌ కూడా సాధించలేకపోయాయి. ప్రస్తుతం వైష్ణవ్ ఆది కేశవ అనే యాక్షన్‌ సినిమా చ్తేస్తున్నాడు. ఈ సినిమాతో శ్రీకాంత్‌ కొత్త దర్శకుడు పరిచయమవుతున్నాడు. ఇప్పటికే రిలీజైన గ్లింప్స్‌ వీర లెవల్లో అంచనాలు క్రియేట్‌ చేసింది. ఈ సారి మెగా మేనల్లుడికి హిట్టు ఖాయమని తెలుస్తుంది. పైగా ఇందులో శ్రీలీల హీరోయిన్‌గా నటించనుండటంతో సినిమాపై జనాల్లో భారీ అంచనాలే ఉన్నాయి. ఇక ఇదిలా ఉంటే తాజాగా మేకర్స్ ఈ సినిమా ఫస్ట్‌ సింగిల్‌ను రిలీజ్‌ చేశారు.
సిత్తరాల సిత్రావతి అంటూ సాగే మాస్‌ మెలోడి పాటను రిలీజ్‌ చేశారు. జీవి ప్రకాష్‌ స్వర పరిచిన ఈ పాటను రాహుల్‌ సిప్లీగంజ్‌, రమ్య బెహరా కలిసి ఆలపించారు. రామజోగయ్య శాస్త్రీ సాహిత్యం అందించాడు. జీవి క్యాచీగా ఈ సాంగ్‌ ట్యూన్‌ను కంపోజ్‌ చేశాడు. దానికి తగ్గట్లే వైష్ణవ్, శ్రీలీలు డ్యాన్స్‌తో కుమ్మేశారు. ముఖ్యంగా ఈ సినిమాలోని లొకేషన్స్ అద్భుతంగా ఉన్నాయి. అంతేకాకుండా పాట చాలా కలర్‌ఫుల్‌గా కనిపిస్తుంది. ఈ సినిమాను సితార సంస్థతో కలిసి తివిక్రమ్‌ తన సొంత బ్యానర్ ఫ్యార్చూన్‌ ఫోర్‌ సినిమాస్‌ బ్యానర్‌పై సంయుక్తంగా నిర్మిస్తున్నాడు. ఇక ఈ సినిమాను ముందుకు ఏప్రిల్ 28న రిలీజ్‌ చేయాలని మేకర్స్ విశ్వ ప్రయత్నాలు చేశారు. కాని కుదరలేదు.
