మరో మహాగాయని బయోపిక్‌?

భారతరత్న ఎమ్మెస్‌ సుబ్బులక్ష్మి బయోపిక్‌ తెరకెక్కనుండటం.. ఆ దిగ్గజ గాయని పాత్రను రష్మిక మందన్న పోషించనుండటం ప్రస్తుతం దేశవ్యాప్తంగా చర్చనీయాంశమైంది. ఈ నేపథ్యంలో.. తాజాగా మరో మహాగాయని కథ కూడా వెండితెరపై దృశ్యమానం కానున్నదంటూ ఓ వార్త సోషల్‌ మీడియాలో బలంగా వినిపిస్తున్నది.

భారతరత్న ఎమ్మెస్‌ సుబ్బులక్ష్మి బయోపిక్‌ తెరకెక్కనుండటం.. ఆ దిగ్గజ గాయని పాత్రను రష్మిక మందన్న పోషించనుండటం ప్రస్తుతం దేశవ్యాప్తంగా చర్చనీయాంశమైంది. ఈ నేపథ్యంలో.. తాజాగా మరో మహాగాయని కథ కూడా వెండితెరపై దృశ్యమానం కానున్నదంటూ ఓ వార్త సోషల్‌ మీడియాలో బలంగా వినిపిస్తున్నది. భారతీయ సినీసంగీతానికి తన గాత్రంతో సొగబులద్దిన గాన కోకిల పి.సుశీల బయోపిక్‌ని నిర్మించేందుకు సన్నాహాలు జరుగుతున్నాయనేది ఆ వార్త సారాంశం. లెంజెడరీ మ్యూజిక్‌ డైరెక్టర్‌ ఏఆర్‌ రెహమాన్‌ ఈ చిత్రాన్ని నిర్మించనున్నారట.

సుశీలమ్మ కుటుంబంతో ఏఆర్‌ రెహమాన్‌కి మంచి అనుబంధం ఉన్నదని, పైగా సుశీలమ్మ పాటకు రెహ్మాన్‌ వీరాభిమాని కావడంతో ఆయనే స్వయంగా ఈ సినిమాను నిర్మించేందుకు సిద్ధమయ్యారని వినికిడి. ఇక సుశీలమ్మగా ఎవరు నటిస్తారు? అనే విషయానికొస్తే.. దక్షిణాదిన మంచి గుర్తింపు తెచ్చుకున్న కన్నడ నటి రుక్మిణి వసంత్‌ను ఆ పాత్రకు ఎంపికచేశారనే ప్రచారం జరుగుతున్నది. సుశీలమ్మ ఆహార్యం, అమాయకత్వంతో కూడిన ఆమె సహజమైన రూపానికి రుక్మిణి సరైన ఛాయిస్‌ అంటూ పలువురు కామెంట్లు పెడుతున్నారు. ఈ వార్తలో నిజమెంతుందో తెలియాలంటే ఇంకొన్ని రోజులు ఆగాల్సిందే.