గత నెలలో 13.56 శాతంగా నమోదు
న్యూఢిల్లీ, జనవరి 14: డిసెంబర్ నెలలో టోకు ధరల స్పీడ్ కాస్త తగ్గింది. ఏ నెలకు ఆ నెల వరుసగా నాలుగు నెలల నుంచి పెరిగిన టోకు ధరల ఆధారిత ద్రవ్యోల్బణం సూచీ (డబ్ల్యూపీఐ) 2021 డిసెంబర్లో 13.56 శాతానికి తగ్గింది. అదే ఏడాది నవంబర్లో ఇది 14.23 శాతంగా ఉంది. 2020 డిసెంబర్లో డబ్ల్యూపీఐ 1.95 శాతమే. టోకు ధరల్లో వృద్ధి కాస్త తగ్గిన కారణంగా వచ్చే నెల ఫిబ్రవరిలో రిజర్వ్బ్యాంక్ పాలసీ సమీక్షలో వడ్డీ రేట్లను యథాతథంగా అట్టిపెడుతుందన్న అంచనాల్ని విశ్లేషకులు వ్యక్తం చేస్తున్నారు. క్రూడ్, సహజవాయువు, లోహాలు, రసాయినాలు, రసాయిన ఉత్పత్తులు, ఆహార్పోత్తులు, జౌళి, కాగిత ఉత్పత్తుల ధరలు అధికంగా పెరిగాయి.
23 నెలల గరిష్ఠానికి ఆహార ద్రవ్యోల్బణం
2021 డిసెంబర్లో నవంబర్కంటే డబ్ల్యూపీఐ పరిమితంగా వృద్ధిచెందినప్పటికీ, ఆహారోత్పత్తుల ధరలు మాత్రం భారీగా పెరిగాయి. ఈ విభాగపు ద్రవ్యోల్బణం 9.56 శాతంగా నమోదయ్యింది.