కొత్తూరులో ‘జేఈహెచ్ టూలింగ్ హబ్’
విమానాలు, విమాన ఇంజిన్ల అసెంబ్లీ, మరమ్మతులు, నిర్వహణకు అవసరమైన ప్రత్యేక టూల్స్, ఫిక్చర్లు, గేజ్ల తయారీ కోసం రంగారెడ్డి జిల్లా కొత్తూరులో జేఈహెచ్ ఏరోస్పేస్ ఏర్పాటు చేసిన ‘టూలింగ్ సెంటర్ ఆఫ్ ఎక్సలెన్స్'ను ఐటీ శాఖ మంత్రి శ్రీధర్ బాబు ప్రారంభించారు. మంగళవారం నిర్వహించిన కార్యక్రమంలో ఆయన మాట్లాడుతూ.. ఏరోస్పేస్ రంగంలో జాతీయ, అంతర్జాతీయ స్థాయి సంస్థలు తెలంగాణలో పెట్టుబడులు పెట్టేలా కాంప్రహెన్సివ్ ఎకోసిస్టమ్ను ప్రణాళికాబద్ధంగా అభివృద్ధి చేస్తున్నామని పేర్కొన్నారు.
- ప్రారంభించిన ఐటీ శాఖ మంత్రి శ్రీధర్బాబు
హైదరాబాద్, నవంబర్ 17 (నమస్తే తెలంగాణ) : విమానాలు, విమాన ఇంజిన్ల అసెంబ్లీ, మరమ్మతులు, నిర్వహణకు అవసరమైన ప్రత్యేక టూల్స్, ఫిక్చర్లు, గేజ్ల తయారీ కోసం రంగారెడ్డి జిల్లా కొత్తూరులో జేఈహెచ్ ఏరోస్పేస్ ఏర్పాటు చేసిన ‘టూలింగ్ సెంటర్ ఆఫ్ ఎక్సలెన్స్’ను ఐటీ శాఖ మంత్రి శ్రీధర్ బాబు ప్రారంభించారు. మంగళవారం నిర్వహించిన కార్యక్రమంలో ఆయన మాట్లాడుతూ.. ఏరోస్పేస్ రంగంలో జాతీయ, అంతర్జాతీయ స్థాయి సంస్థలు తెలంగాణలో పెట్టుబడులు పెట్టేలా కాంప్రహెన్సివ్ ఎకోసిస్టమ్ను ప్రణాళికాబద్ధంగా అభివృద్ధి చేస్తున్నామని పేర్కొన్నారు.
విమానాలకు అవసరమైన ప్రత్యేక పరికరాలు, గేజ్ల కోసం ఇప్పటివరకు కొద్దిమంది ప్రత్యేక సరఫరాదారులపై లేదా విదేశాలపై కంపెనీలు ఆధారపడాల్సి వచ్చేదని శ్రీధర్ బాబు వివరించారు. ఇలాంటి అధునాతన టూలింగ్ సామర్థ్యాలు హైదరాబాద్లో అందుబాటులోకి రావడం రాష్ట్ర పారిశ్రామిక రంగ వృద్ధికి మరింత ఊతమిస్తుందని పేర్కొన్నారు. ఈ కార్యక్రమంలో జేఈహెచ్ ఏరోస్పేస్ సీఈవో విశాల్ సంఘవి మాట్లాడుతూ..రెండు లక్షల చదరపు అడుగుల విస్తీర్ణంలో ఏర్పాటు చేసిన ఈ టూలింగ్ హబ్లో వందలాది మందికి ఉపాధి అవకాశాలు లభించనున్నాయన్నారు.
తెలంగాణలో పెట్టుబడులు పెట్టండి
గుజరాత్ పారిశ్రామికవేత్తలు తమ వ్యాపార కార్యకలాపాలను తెలంగాణకు విస్తరించి, దక్షిణ భారతదేశంలో హైదరాబాద్ను రెండో ప్రధాన వ్యాపార కేంద్రంగా మలుచుకోవాలని మంత్రి దుద్దిళ్ల శ్రీధర్ బాబు పిలుపునిచ్చారు. అహ్మదాబాద్లో మంగళవారం నిర్వహించిన రోడ్ షోలో ఆయన మాట్లాడుతూ.. గుజరాత్ నుంచి పెట్టుబడులను తరలించడం తమ ఉద్దేశం కాదని, అకడి వ్యాపారాలకు అదనపు అవకాశాలు కల్పించడమే లక్ష్యమని స్పష్టం చేశారు. హైదరాబాద్ సమీపంలో 30 వేల ఎకరాలకు విస్తీర్ణంలో నిర్మిస్తున్న భారత్ ఫ్యూచర్ సిటీ భవిష్యత్ పెట్టుబడులకు ప్రధాన చిరునామాగా నిలువనుందన్న మంత్రి.. ప్రతి గుజరాత్ కంపెనీకి ఒక ప్రత్యేక అధికారిని నియమిస్తామని హామీ ఇచ్చారు.
Read Today's Latest Business News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

