ట్యాక్స్‌-సేవింగ్‌ ఎఫ్‌డీలు

బ్యాంకుల్లో ట్యాక్స్‌-సేవింగ్‌ ఫిక్స్‌డ్‌ డిపాజిట్ల (ఎఫ్‌డీ)తో అధిక వడ్డీ, పన్ను ఆదా ప్రయోజనాలను పొందవచ్చు. ఆదాయ పన్ను (ఐటీ) చట్టం 1961లోని సెక్షన్‌ 80సీ కింద ఏటా రూ.1.5 లక్షల వరకు పన్ను ఆదా చేసుకోవచ్చు. అయితే పాత పన్ను విధానాన్ని ఎంచుకున్నవారికే ఈ సౌలభ్యం ఉంటుంది. ఇక ఈ ఎఫ్‌డీ ఖాతాపై ఐదేండ్ల లాకిన్‌ పీరియడ్‌ ఉంటుంది.

• 7 శాతం వరకు వడ్డీరేటు

బ్యాంకుల్లో ట్యాక్స్‌-సేవింగ్‌ ఫిక్స్‌డ్‌ డిపాజిట్ల (ఎఫ్‌డీ)తో అధిక వడ్డీ, పన్ను ఆదా ప్రయోజనాలను పొందవచ్చు. ఆదాయ పన్ను (ఐటీ) చట్టం 1961లోని సెక్షన్‌ 80సీ కింద ఏటా రూ.1.5 లక్షల వరకు పన్ను ఆదా చేసుకోవచ్చు. అయితే పాత పన్ను విధానాన్ని ఎంచుకున్నవారికే ఈ సౌలభ్యం ఉంటుంది. ఇక ఈ ఎఫ్‌డీ ఖాతాపై ఐదేండ్ల లాకిన్‌ పీరియడ్‌ ఉంటుంది. ఈ సమయంలో విత్‌డ్రాకు వీలుండదు. రుణాలనూ తీసుకోలేము. టీడీఎస్‌ రూల్స్‌, రెగ్యులేషన్లకు లోబడి ఎఫ్‌డీ ఉంటుంది. ఫామ్‌ 15హెచ్‌/15జీ సమర్పిస్తే మనం పొందే వడ్డీపై టీడీఎస్‌ ఉండదు. సీనియర్‌ సిటిజన్లకు అదనంగా అర శాతం వరకు వడ్డీరేటు ఎక్కువగా లభిస్తుంది. కస్టమర్‌ కోరుకుంటే ఒక శాఖ నుంచి మరో శాఖకు తమ ఎఫ్‌డీని బదిలీ చేసుకోవచ్చు. కాగా, ఎస్బీఐ, పీఎన్‌బీల్లో ఈ ఎఫ్‌డీలపై వడ్డీరేట్లు 6.5 శాతంగా, కెనరా బ్యాంక్‌లో 6.7 శాతంగా ఉన్నాయి. హెచ్‌డీఎఫ్‌సీ, ఐసీఐసీఐ, యాక్సిస్‌, యెస్‌ బ్యాంకుల్లో 7 శాతం. కొటక్‌ మహీంద్రాలో 6. 2 శాతం ఇస్తున్నారు.