హైదరాబాద్ సిటీబ్యూరో, జూన్ 14 (నమస్తే తెలంగాణ): ఆటోమొబైల్ రంగంలో సరికొత్త ఆవిష్కరణలు చేస్తున్న స్టార్టప్లను ప్రోత్సహించేందుకు టీ-హబ్, రెనో నిస్సాన్ చేతులు కలిపాయి. ఈ మేరకు టీ-హబ్లో రెనో నిస్సాన్ టెక్నాలజీ, బిజినెస్ సెంటర్ ఇండియా ఎండీ దేబాషిష్ నియోగి, సంస్థ ఉపాధ్యక్షుడు హిరోటెక్ హరడా, టీ-హబ్ సీఈవో ఎం శ్రీనివాసరావు, సీఐఈ సుజిత్ జాగీర్దార్ ఒప్పంద పత్రాలపై సంతకాలు చేశారు. ‘టెక్నాలజీపరంగా సరికొత్త ఆవిష్కరణలను టీ-హబ్ కేంద్రంగా వందలాది స్టార్టప్లు చేస్తున్నాయి.
పరిశ్రమ ఆధారిత వినియోగం కోసం స్టార్టప్లతో కలిసి పనిచేసే కార్యక్రమాలను కూడా నిర్వహిస్తున్నాం’ అని ఈ సందర్భంగా శ్రీనివాసరావు తెలిపారు. దేబాషిష్ నియోగి మాట్లాడుతూ.. మొబిలిటీ మార్కెట్ నేడు ఎంతో కీలకంగా మారిందని, సరికొత్త ఆవిష్కరణల ద్వారా కంపెనీ కార్యకలాపాలు, ఉత్తత్తుల తయారీ మెరుగవుతుందనే ఆలోచనతోనే టీ-హబ్తో కలిసి పనిచేస్తున్నామని తెలిపారు.
హైదరాబాద్లో కొత్తగా రెనో శాటిలైట్ కార్యాలయాన్ని ప్రారంభించింది. అద్భుతమైన ఆవిష్కరణలు జరుగుతుండటంవల్లే తెరిచామని దేబాషిష్ తెలిపారు. కాగా, ప్రస్తుతం ఇక్కడ 70మంది ఉద్యోగులు పనిచేస్తుండగా, ఏడాదిలో 200 మందిదాకా ఆటోమొబైల్ ఇంజినీరింగ్, ఐటీ నిపుణులను సంస్థ తీసుకోనున్నది.