Visit:
న్యూఢిల్లీ, సెప్టెంబర్ 22: దేశీయ తొలి మినరల్ ఎక్సేంజీ వచ్చే ఆర్థిక సంవత్సరం (2027-28)లో ప్రారంభమయ్యే వీలున్నదని గనుల శాఖ అదనపు కార్యదర్శి వీణా కుమారి ధర్మల్ తెలిపారు. ఈ ఏడాది జూన్లో కేంద్ర గనుల మంత్రిత్వ శాఖ మినరల్ ఎక్సేంజీకి సంబంధించి రూల్స్ను ప్రకటించిన విషయం తెలిసిందే. ఈ క్రమంలో మంగళవారం ఇక్కడ జరిగిన భారతీయ ఖనిజ పరిశ్రమ సమాఖ్య 60వ వార్షిక సాధారణ సమావేశంలో వీణా కుమారి మాట్లాడుతూ.. ఎక్సేంజీ నమోదు ప్రక్రియకు కావాల్సిన పనులు జరుగుతున్నాయని చెప్పారు.
ఈ ఎక్సేంజీ వల్ల పారదర్శకత పెరుగుతుందని, మినరల్స్ కోసం ఓ ఎలక్ట్రానిక్ డెలివరీ ఆధారిత ట్రేడింగ్ ప్లాట్ఫామ్ వస్తుందన్నారు. అలాగే మార్కెట్ ఆధారిత ధరల విధానం అందుబాటులోకి వస్తుందని, ఉత్పత్తిదారులు-కొనుగోలుదారుల మధ్య సమాచార అసమానతలు తగ్గుతాయని పేర్కొన్నారు.
