Maruti Suzuki Fronx | గ్రాండ్ విటారా, బాలెనో తరహాలో రూపుదిద్దుకోవడంతోపాటు ఎంతోకాలంగా కార్ల ప్రియులను ఊరిస్తున్న మరో కంపాక్ట్ ఎస్యూవీ మోడల్ కారు ఫ్రాంక్స్.. దేశీయ మార్కెట్లోకి వచ్చేసింది. ఫ్రాంక్స్ బేస్ లెవెల్ కారు రూ.7.46 లక్షలకే లభిస్తుంది. 1.0 లీటర్ల కే-సిరీస్ టర్బో బూస్టర్జెట్ ఇంజిన్ వేరియంట్ కారు ధర రూ.9.72 లక్షల నుంచి ప్రారంభమై.. టాప్ హై ఎండ్ వేరియంట్ ధర రూ.13.13 లక్షలు పలుకుతుంది. కస్టమర్లు మారుతి సుజుకి నెక్సా డీలర్షిప్ల వద్ద రూ.11 వేలు చెల్లించి కారు బుక్ చేసుకోవచ్చు. మారుతి సుజుకి సబ్స్ర్కైబ్ పాలసీలో రూ.17,378లకు నెలవారీ సబ్స్క్రిప్షన్పై సొంతం చేసుకోవచ్చు.
మారుతి సుజుకి ఫ్రాంక్స్ ఐదు వేరియంట్లలో లభిస్తుంది. సిగ్మా, డెల్టా, డెల్టా +, జెటా, అల్ఫా వేరియంట్లలో కస్టమర్లు తమకు ఇష్టమైన వేరియంట్ ఎంచుకోవచ్చు.
అడ్వాన్స్డ్ 1.2 లీటర్ల కే-సిరీస్ డ్యుయల్ జెట్, డ్యుయల్ వీవీటీ ఇంజిన్ కార్లు
వేరియంట్ —— ధర (రూపాయల్లో)
సిగ్మా5-ఎంటీ —- 7,46,500
డెల్టా -5ఎంటీ —- 8,32,500
డెల్టా -ఏజీఎస్ —- 8,87,500
డెల్టా+ 5ఎంటీ —- 8,72,500
డెల్టా + ఏజీఎస్—- 9,27,500
ఆల్ న్యూ 1.0కే సిరీస్ టర్బో బూస్టర్జెట్ డైరెక్ట్ ఇంజెక్షన్ ఇంజిన్ విత్ ప్రోగ్రెసివ్ స్మార్ట్ హైబ్రీడ్
వేరియంట్ ——————– ధర (రూపాయల్లో)
డెల్టా + 5ఎంటీ —————- 9,72,500
జెటా 5ఎంటీ ——————- 10,55,500
జెటా 6ఏటీ ——————– 12,05,500
అల్ఫా 5ఎంటీ —————- 11,47,500
అల్ఫా 6ఏటీ —————— 12,97,500
అల్ఫా డ్యుయల్ టోన్ ఎంటీ — 11,63,500
అల్ఫా డ్యుయల్టోన్ ఏటీ —-13,13,500
మారుతి సుజుకి ఫ్రాంక్స్ కంపాక్ట్ ఎస్యూవీ 10 మోనోటోన్, డ్యుయల్-టోన్ పెయింట్ స్కీమ్స్లో లభ్యం అవుతుంది. 7-మోనోటోన్ షేడ్స్లో ఆర్కిటిక్ వైట్, స్ప్లెండిడ్ సిల్వర్, గ్రాండౌర్ గ్రే, బుల్లిష్ బ్లాక్, సెలెస్టియల్ బ్లూ, ఒపులెంట్ రెడ్, ఎర్త్రన్ బ్రౌన్ ఆప్షన్లలో లభిస్తుంది. డ్యయల్ టోన్ కలర్ కాంబినేషన్లో స్ప్లెండిడ్ సిల్వర్ విత్ బ్లూయిష్ బ్లాక్ రూఫ్, ఒపులెంట్ రెడ్ విత్ బ్లూయిష్ బ్లాక్ రూఫ్, ఎర్త్రన్ బ్రౌన్ విత్ బ్లూయిష్ బ్లాక్ రూఫ్ ఆప్షన్లలోనూ కొనుగోలు చేయొచ్చు.
గ్రాండ్ విటారా, బాలెనో డిజైన్ల స్ఫూర్తితో రూపుదిద్దుకున్నదే ఫ్రాంక్స్ ఎస్యూవీ. స్లీకర్ లుకింగ్ ఎల్ఈడీ హెడ్ల్యాంప్స్, డీఆర్ఎల్స్, లార్జ్ హెక్సా గోనల్ గ్రిల్లె సెపరేటెడ్ బై క్రోమ్ బార్, గ్రే కలర్లో ఫాక్స్ స్కిడ్ ప్లేటతో కూడి ప్రంట్ బంపర్, 16-అంగుళాల ప్రిసిషన్ కట్ డ్యుయల్ టోన్ అల్లాయ్ వీల్స్, రేర్ సిగ్నేచర్ ఎల్ఈడీ బ్లాక్ టెయిల్ ల్యాంప్స్, రూఫ్పై ఇంటిగ్రేటెడ్ స్పాయిలర్ ఎలిమెంట్ తదితర ఫీచర్లు ఉంటాయి.
మారుతి సుజుకి ఫ్రాంక్స్ లోపల 9.0-అంగుళాల హెచ్డీ స్మార్ట్ ప్లే ప్రో+ ఇన్ఫోటైన్మెంట్ విత్ వైర్లెస్ ఆపిల్ కార్ ప్లే, ఆండ్రాయిడ్ ఆటో కనెక్టివిటీ, ఏఆర్కేఎఎంవైఎస్ సౌండ్ సిస్టమ్, సుజుకి కనెక్ట్ విత్ 40+ కనెక్టెడ్ కారు ఫీచర్లు, ఫ్లాట్-బాటమ్ స్టీరింగ్ వీల్, హెచ్యూడీ యూనిట్, 360-డిగ్రీల కెమెరా, క్రూయిజ్ కంట్రోల్ తదితర ఫీచర్లు జత చేశారు.
హార్ట్టెక్ ప్లాట్ఫామ్పై సుజుకి ఫ్రాంక్స్ కారు నిర్మాణం జరిగింది. ఆరు ఎయిర్ బ్యాగ్స్ (డ్రైవర్, కో డ్రైవర్, సైడ్, కైర్టెన్), త్రీ పాయింట్ ఈఎల్ఆర్ సీట్ బెల్ట్స్, ఈఎస్పీ విత్ హిల్హోల్డ్ అసిస్ట్, రోల్ ఓవర్ మిటిగేషన్, ఏబీఎస్ విత్ ఈబీడీ, ఐసోఫిక్స్ చైల్డ్ సీట్ తదితరాలు ఉన్నాయి.
మారుతి సుజుకికే చెందిన బాలెనోతోపాటు టాటా పంచ్, సిట్రోన్ సీ3, రెనాల్ట్ కైగర్, నిసాన్ మాగ్నైట్ వేరియంట్లతో పోటీ పడుతుంది ఫ్రాంక్.