రేవ్‌ఫిన్‌తో హీరో జట్టు

న్యూఢిల్లీ, మే 17: దేశవ్యాప్తంగా తమ ఈవీ రైడర్లకు రుణ సౌకర్యాన్ని కల్పించడం కోసం డిజిటల్‌ కన్జ్యూమర్‌ లెండింగ్‌ వేదిక రేవ్‌ఫిన్‌తో హీరో ఎలక్ట్రిక్‌ భాగస్వామ్యం కుదుర్చుకున్నది. రాబోయే మూడేండ్లకుపైగా కాలంలో 2.5 లక్షల విద్యుత్తు ఆధారిత వాహనాల (ఈవీ)కు ఫైనాన్స్‌, లీజే లక్ష్యంగా ఇరు సంస్థలు చేతులు కలిపాయి. దీంతో నెలసరి సులభ వాయిదా పద్ధతుల్లో ఎలక్ట్రిక్‌ టూవీలర్లను కొనేందుకు ఆసక్తి ఉన్న కస్టమర్లకు ప్రయోజనం చేకూరగలదన్న ఆశాభావాన్ని ఈ సందర్భంగా హీరో ఎలక్ట్రిక్‌ వ్యక్తం చేసింది. దేశవ్యాప్తంగా 750కిపైగా సేల్స్‌, సర్వీస్‌ ఔట్‌లెట్లు హీరో ఎలక్ట్రిక్‌కు ఉన్నాయి. అలాగే 18 రాష్ర్టాల్లో రేవ్‌ఫిన్‌ కార్యకలాపాలు నడుస్తున్నాయి.