BMW | సింగిల్‌ చార్జింగ్‌తో 460 కి.మీ.. బీఎండబ్ల్యూ సరికొత్త ఈవీ.. ధరెంతంటే?

జర్మనీకి చెందిన లగ్జరీ కార్ల తయారీ సంస్థ బీఎండబ్ల్యూ..పలు ఎలక్ట్రిక్‌ వాహనాలను దేశీయ మార్కెట్లోకి అందుబాటులోకి తీసుకొచ్చింది. వీటిలో ఎలక్ట్రిక్‌ మినీ కంట్రీమ్యాన్‌ ధర రూ.54.9 లక్షలు. ఈ కారు బ్యాటరీపై ఎనిమిదేండ్లు లేదా 1.60 లక్షల కిలోమీటర్ల వ్యారెంటీ కల్పిస్తున్నది.

BMW | న్యూఢిల్లీ, జూలై 24: జర్మనీకి చెందిన లగ్జరీ కార్ల తయారీ సంస్థ బీఎండబ్ల్యూ..పలు ఎలక్ట్రిక్‌ వాహనాలను దేశీయ మార్కెట్లోకి అందుబాటులోకి తీసుకొచ్చింది. వీటిలో ఎలక్ట్రిక్‌ మినీ కంట్రీమ్యాన్‌ ధర రూ.54.9 లక్షలు. ఈ కారు బ్యాటరీపై ఎనిమిదేండ్లు లేదా 1.60 లక్షల కిలోమీటర్ల వ్యారెంటీ కల్పిస్తున్నది. ఎలక్ట్రిక్‌ మినీ కంట్రీమ్యాన్‌ కారు కేవలం 8.6 సెకండ్లలో 100 కిలోమీటర్ల వేగాన్ని అందుకోనున్న ఈ కారు సింగిల్‌ చార్జింగ్‌తో 462 కిలోమీటర్లు ప్రయాణించనున్నది. కేవలం 29 నిమిషాల్లో 80 శాతం వరకు బ్యాటరీ రీచార్జి కానున్నది. రెండు ఎయిర్‌బ్యాగ్‌లు, డైనమిక్‌ స్టేబిలిటీ కంట్రోల్‌, క్రాశ్‌ సెన్సార్‌, యాంటీ-లాక్‌ బ్రేకింగ్‌ సిస్టమ్‌, కార్నరింగ్‌ బ్రేక్‌ కంట్రోల్‌, రియర్‌ వ్యూ కెమెరా, ట్యూబ్‌లెస్‌ టైర్లు వంటి ఫీచర్‌తో రూపొందించింది. ఐదో జనరేషన్‌గా విడుదలైన ఈ కారు ముందస్తు బుకింగ్‌లు ప్రారంభించింది. దేశవ్యాప్తంగా కంపెనీకి ఉన్న డీలర్ల వద్ద బుకింగ్‌ చేసుకున్నవారికి సెప్టెంబర్‌ నుంచి డెలివరీ చేయనున్నట్లు తెలిపింది. దీంతోపాటు రూ.44.9 లక్షల ధర కలిగిన మినీ కూపర్‌ ఎస్‌ మాడల్‌ను కూడా విడుదల చేసింది.

ప్రీమియం ఈ-స్కూటర్‌

దేశీయ మార్కెట్లోకి ప్రీమియం ఎలక్ట్రిక్‌ స్కూటర్‌ సీఈ 04ని అందుబాటులోకి తీసుకొచ్చింది బీఎండబ్ల్యూ. ఈ స్కూటర్‌ ధర రూ.14.90 లక్షలు. కేవలం 2.6 సెకండ్లలో 50 కిలోమీటర్ల వేగాన్ని అందుకోనున్న ఈ స్కూటర్‌ గంటకు 120 కిలోమీటర్ల వేగంతో దూసుకుపోనున్నది. దేశీయంగా తయారైన ఈ స్కూటర్‌ మెట్రోపాలిటన్‌ సిటీల్లో మాత్రమే విక్రయించనున్నది. బుకింగ్‌ చేసుకున్న వారికి సెప్టెంబర్‌ నుంచి డెలివరీ చేయనున్నది.