Bank Holidays | ఫిబ్ర‌వ‌రిలో బ్యాంకుల‌కు 12 రోజులు సెల‌వులు.. ఇదీ లిస్ట్‌!

Bank Holidays | నాలుగు ఆదివారాలు, రెండు శ‌నివారాల‌తో క‌లిపి ఫిబ్ర‌వ‌రిలో బ్యాంకుల‌కు 12 రోజుల సెల‌వులు వ‌చ్చాయి.

Bank Holidays | ఇప్పుడు ప్ర‌తి ఒక్క‌రూ ఏదో ఒక బ్యాంకులో ఖాతా క‌లిగి ఉన్నారు. ప్ర‌స్తుతం డిజిట‌ల్ లావాదేవీలే జ‌రుగుతున్నా.. కొన్ని ముఖ్య‌మైన అంశాల్లో బ్యాంక్ శాఖ‌ల‌కు వెళ్లాల్సిందే. అయితే, ఆయా బ్యాంకులు తెరిచే ఉన్నాయా.. లేదా.. అన్న విష‌యం తెలుసుకున్నాక వెళ్ల‌డం మంచిద‌న్న అభిప్రాయం వినిపిస్తున్న‌ది. ఆర్బీఐ క్యాలెండ‌ర్ ప్ర‌కారం ఫిబ్ర‌వ‌రిలో ఆదివారాలు, రెండు శ‌నివారాలు క‌లిపి మొత్తం 12 రోజులు ప్ర‌భుత్వ‌, ప్రైవేట్ రంగ బ్యాంకుల‌కు సెల‌వులు ఉన్నాయి. స‌హ‌కార బ్యాంకులు, రీజిన‌ల్, విదేశీ బ్యాంకులు సైతం ప‌ని చేయ‌వు. ఫిబ్ర‌వ‌రిలో వ‌సంత పంచ‌మి, గురు ర‌విదాస్ జ‌యంతి సంద‌ర్భంగా బ్యాంకులకు సెల‌వులు ఉన్నాయి. అయితే.. ఆయా రాష్ట్రాల్లో కొన్ని పండుగ‌ల సంద‌ర్భంగా సెలవులు కూడా వ‌స్తున్నాయి.

దేశ‌వ్యాప్తంగా కొన్ని పండుగ‌ల‌కు మాత్రం బ్యాంకులు మూసి ఉంటాయి. రిప‌బ్లిక్ డే (జ‌న‌వ‌రి 26), స్వాతంత్య్ర దినోత్స‌వం (ఆగ‌స్టు 15), గాంధీ జ‌యంతి (అక్టోబ‌ర్ 2), క్రిస్మ‌స్ (డిసెంబ‌ర్ 25) త‌దిత‌ర ముఖ్య‌మైన ప‌ర్వ‌దినాల్లో బ్యాంకుల‌కు సెల‌వులు ఉన్నాయి. బ్యాంకు శాఖ‌ల‌కు వెళ్లాల్సిన ముఖ్య‌మైన ప‌నుల కోసం వెళ్లాల‌నుకున్న‌ప్పుడు ఆర్బీఐ హాలీడే క్యాలెండ‌ర్‌ను చూసుకుని ముందుకెళ్ల‌డం మంచిద‌ని సూచిస్తున్నారు. మ‌నం కూడా ఓ లుక్కేద్దాం..

• ఫిబ్ర‌వ‌రి 5: స‌ర‌స్వ‌తి పూజ లేదా వ‌సంత పంచ‌మి
• 6: ఆదివారం
• 12 : రెండో శ‌నివారం
• 13 : ఆదివారం
• 15 : మ‌హ్మ‌ద్ హ‌జ్ర‌త్ అలీ బ‌ర్త్ డే (మ‌ణిపూర్‌లోని ఇంఫాల్‌, ఉత్త‌రప్ర‌దేశ్‌లోని ల‌క్నో, కాన్పూర్‌)
• 16 : గురు ర‌విదాస్ జ‌యంతి (చండీగ‌ఢ్‌)
• 18: డోల్ జాత్రా (కోల్‌క‌తా)
• 19:ఛ‌త్ర‌పతి శివాజీ జ‌యంతి (మ‌హారాష్ట్ర‌లోని బెలాపూర్‌, ముంబై, నాగ్‌పూర్‌)
• 20: ఆదివారం
• 26: నాలుగో శ‌నివారం
• 27 : ఆదివారం