White Hair | మందార పూలతో జుట్టు తెల్లబడటం తగ్గుతుందా? ఏం చేయాలి?

White Hair |  జుట్టు చివర్లు చిట్లడం, నెరవడం, రాలిపోవడం ప్రస్తుతం చాలామంది ఎదుర్కొంటున్న సమస్యనే. దీన్ని నివారించేందుకు చాలామంది చాలా రకాల ప్రయత్నాలు చేస్తుంటారు. మందార పూలే కాదు.. మందార ఆకులు కూడా వెంట్రుకల ఆరోగ్యాన్ని మెరుగుపరుస్తాయి.

White Hair |  జుట్టు చివర్లు చిట్లడం, నెరవడం, రాలిపోవడం ప్రస్తుతం చాలామంది ఎదుర్కొంటున్న సమస్యనే. దీన్ని నివారించేందుకు చాలామంది చాలా రకాల ప్రయత్నాలు చేస్తుంటారు. ఈ ప్రయత్నాల్లోనే మందార పూలతో జుట్టును దృఢంగా చేసుకోవచ్చని చాలామంది చెబుతుంటారు. మందార పూలే కాదు.. మందార ఆకులు కూడా వెంట్రుకల ఆరోగ్యాన్ని మెరుగుపరుస్తాయి. మరి దీనికోసం మందార పూలు, ఆకులతో ఏం చేయాలంటే..

› ఏడెనిమిది చొప్పున మందార పూలు, ఆకుల్ని శుభ్రంగా కడిగి ముద్దలా చేయాలి. కప్పు కొబ్బరి నూనెను వేడి చేసి అందులో ఈ మిశ్రమాన్ని వేసి బాగా కలపాలి. నూనె చల్లారాక వడకట్టి రాత్రుళ్లు తలకు రాసుకొని మర్నాడు తలస్నానం చేయాలి. వారానికి రెండు సార్లు ఇలా చేస్తే మంచి ఫలితం కనిపిస్తుంది.

›  తెల్లవెంట్రుకలతో బాధపడేవారు గుప్పెడు మందార ఆకులు, నాలుగు పెద్ద చెంచాల పెరుగు తీసుకొని మెత్తగా చేసుకోవాలి. ఈ మిశ్రమాన్ని తలకు పట్టించి గంట తర్వాత షాంపూతో శుభ్రం చేసుకోవాలి. ఇలా తరచూ చేస్తుండటం వల్ల జుట్టు క్రమంగా నల్లబడుతుంది.

›  మూడు చెంచాల ఉసిరిపొడి, రెండు చెంచాల ఉసిరి రసం, గుప్పెడు మందార ఆకుల్ని తీసుకొని మెత్తగా చేసుకోవాలి. ఈ ముద్దను తలంతా పట్టించి నలభై నిమిషాల తర్వాత కడిగేసుకుంటే చాలు.

›  ఒక గిన్నెలో రెండు గ్లాసుల నీళ్లు పోసి వేడిచేయాలి. మరుగుతున్న నీళ్లలో గుప్పెడు మందార ఆకులు, అయిదారు పూలు వేయాలి. కాసేపు మరిగించాలి. చల్లారాక ఆకుల్ని ముద్దలా చేయాలి. కొద్దిగా శనగపిండి కలిపితే షాంపూ తయారైనట్లే.

›  ఏడెనిమిది మందార పూలను ముద్దలా నూరుకోవాలి. దీన్ని తలకు పట్టించి గంటయ్యాక తలస్నానం చేయాలి. ఇలా వారంలో ఒకటి రెండు సార్లు చేయడం వల్ల జుట్టు బలంగా మారుతుంది.

Read More :

Hair fall remedies | జుట్టు రాలడం తగ్గాలంటే.. ఈ చిట్కాలు పాటించండి”