జిడ్డుకు అడ్డు

సీజన్‌ మారింది. మొన్నటి వరకూ మండు టెండల్లో చెమటలు కక్కిన చర్మం తొలకరి రాకతో వాతావరణంతో పాటు తన తత్వాన్ని కూడా మార్చుకోనున్నది. దంచికొట్టే వానల్లో ఒకవైపు చల్లగాలులు, మరోవైపు వేడి. వీటి నుంచి చర్మాన్ని కాపాడుకోవాలంటే ఈ చిట్కాలు పాటించాలి..

సీజన్‌ మారింది. మొన్నటి వరకూ మండు టెండల్లో చెమటలు కక్కిన చర్మం తొలకరి రాకతో వాతావరణంతో పాటు తన తత్వాన్ని కూడా మార్చుకోనున్నది. దంచికొట్టే వానల్లో ఒకవైపు చల్లగాలులు, మరోవైపు వేడి. వీటి నుంచి చర్మాన్ని కాపాడుకోవాలంటే ఈ చిట్కాలు పాటించాలి..

• వాతావరణంలో తేమ శాతం పెరిగినప్పడు చర్మం జిడ్డుగా మారుతుంది. ఆ ఇబ్బంది లేకుండా ఉండాలంటే ఒకటే మార్గం.. ఆయిల్‌ ఫ్రీ ఫేస్‌వాష్‌తో రోజుకు రెండుసార్లయినా శుభ్రంగా కడుగుతూ ఉండాలి. ఆయిల్‌ బేస్డ్‌ మేకప్‌ రిమూవర్‌కు కాస్త దూరంగా ఉండాలి.
• తేమ వాతావరణంలో బయటికి వెళ్లాల్సి వస్తే లైట్‌ మేకప్‌ ఉత్తమం. రాత్రిపూట రాసుకునే క్రీములను వీలైనంత తగ్గించాలి.
• స్కిన్‌ కేర్‌ కోసం వాడే టోనర్లు చర్మ రంధ్రాలను కప్పేస్తాయి. దీంతో చర్మం నిగారింపును కోల్పోతుంది. కొత్త చర్మ సమస్యలు వచ్చే ఆస్కారం ఉంది.
• బయటికి వెళ్లేటప్పుడు అవసరమైతే సన్‌స్క్రీన్‌ లోషన్‌ రాసుకోవాలి. దీనివల్ల చర్మం మరింత తేమకు గురి కాకుండా ఉంటుంది.
• నిద్రలో చర్మం డీహైడ్రేట్‌ కాకుండా.. తేలికపాటి వాటర్‌ మాయిశ్చరైజర్లను రాయాలి.
• వర్షంలో బయటికి వెళ్లి వస్తే.. వీలైనంత తొందరగా మొహం కడుక్కోవాలి. లేదంటే, గాలిలోని కాలుష్య కారకాలు చర్మ ఆరోగ్యాన్ని దెబ్బతీస్తాయి.
• క్రీముల వాడకం, వాతావరణ మార్పుల వల్ల చర్మ సమస్యలు వస్తే వీలైనంత త్వరగా
  చర్మవ్యాధి నిపుణులను కలవండి.
• వర్షాకాలంలో వీలైనంత వరకూ పూర్తిగా కప్పేసే పాదరక్షలు వద్దు. వీటివల్ల వేళ్ల మధ్య ఫంగస్‌ లాంటివి ఏర్పడతాయి. పగుళ్లు, చర్మ సమస్యలు రావచ్చు.