కొన్నిసార్లు హఠాత్తుగా ఏ ఫంక్షన్కో బయల్దేరాల్సి వస్తుంది. బ్యూటీ పార్లర్కు వెళ్లేంత సమయం కూడా ఉండదు. అలాంటప్పుడు చిటికెలో ముఖాన్ని మెరిసేలా చేస్తుంది ‘కాఫీ-హనీ’ ఫేస్ప్యాక్. ఇది చర్మం మీది మృతకణాలను తొలగించి, తక్షణ మెరుపును ఇస్తుంది. ఒక టేబుల్ స్పూన్ కాఫీ పొడి, ఒక టేబుల్ స్పూన్ తేనె తీసుకుని.. రెంటినీ బాగా కలిపి ముఖానికి, మెడకు పట్టించాలి. పదిహేను నిమిషాల తర్వాత గోరు వెచ్చటి నీటితో కడిగేయాలి. కాఫీపొడిలోని యాంటీ ఆక్సిడెంట్లు, యాంటీ ఏజింగ్
గుణాలు కళ్లచుట్టూ ఉన్న నల్లటి వలయాల్ని తగ్గిస్తాయి.
చర్మం మీది దద్దుర్లు, మొటిమల మచ్చల్ని తక్కువ కనిపించేలా చేస్తాయి. ఎండవల్ల కమిలి పోయిన చర్మాన్నీ బాగుచేస్తాయి. ఇక తేనెలోని యాంటీ ఫంగల్, యాంటీ బ్యాక్టీరియల్ గుణాలు చర్మం మీది బ్యాక్టీరియా పెరుగుదలను నివారిస్తాయి. ఇందులోని గ్లుకోనిక్ యాసిడ్ లాంటివి మృతకణాలను తొలగించేందుకు సాయపడతాయి. ఈ రెండూ దగ్గరుంటే ఎప్పుడు, ఎక్కడికి వెళ్లాలన్నా బెంగే అక్కర్లేదు! బ్యూటీ పార్లర్ ఇంట్లో ఉన్నట్టే.