BJP LP Leader | బీజేపీ శాసనసభాపక్ష నేతగా విష్ణుకుమార్‌ రాజు ఎన్నిక

BJP LP Leader | ఆంధ్రప్రదేశ్‌ బీజేపీ శాసనసభాపక్ష నేత గా పి. విష్ణుకుమార్‌ రాజు ఎన్నికయ్యారు.

అమరావతి : ఆంధ్రప్రదేశ్‌ బీజేపీ శాసనసభాపక్ష నేత (BJP legislative party) గా పి. విష్ణుకుమార్‌ రాజు (Vishnukumar Raju)  ఎన్నికయ్యారు. ఇటీవల జరిగిన ఎన్నికల్లో విశాఖపట్నం నార్త్‌ ((Visakapatnam North) ) నుంచి బీజేపీ ఎమ్మెల్యేగా గెలుపొందారు. పార్టీ ఆదేశాల మేరకు విష్ణుకుమర్‌ రాజును ఎల్పీ లీడర్‌గా శనివారం ఎన్నుకున్నారు.  2014-19 మధ్య కూడా బీజేపీ ఎమ్మెల్యేగా చంద్రబాబు హయాంలో పనిచేశారు.

ఈ సందర్భంగా ఆయన మాట్లాడుతూ రాష్ట్ర పురోగతికి కేంద్ర ప్రభుత్వం కట్టుబడి ఉందని వివరించారు. 2019-24 మధ్య వైసీపీ పాలనలో రాష్ట్రం దిగజారిపోయేలా పాలన జరిగిందని ఆరోపించారు. తనను కూడా అనేక విధాలుగా ఇబ్బంది పెట్టారని తెలిపారు. బిల్లులు చెల్లించకుండా గుత్తేదారులను వేధించారని విమర్శించారు.

మొన్నటి ఎన్నికల్లో టీడీపీ, బీజేపీ, జనసేన ( Janasena) కూటమిగా ఏర్పడి పోటీ చేసి ఘన విజయం సాధించిన విషయం తెలిసిందే. ఈ ఎన్నికల్లో బీజేపీ 10 స్థానాల్లో పోటీ చేసి 8 చోట్ల విజయం సాధించారు. అదే విధంగా టీడీపీ 144 స్థానాలకు గాను 134 స్థానాల్లో, జనసేన 21 స్థానాల్లో పోటీ చేసి 21 చోట్ల గెలుపొందింది.