ఇష్ట‌పూర్వ‌క వివాహ‌మే… సృజ‌న‌ది ఆత్మ‌హ‌త్య కాదు.. సోద‌రుడు విజ‌య్‌

వ‌ధువు సృజ‌న‌కు ఈ పెళ్లి ఇష్ట‌మే లేదు. ఈ పెళ్లిపై అయిష్ట‌త‌తోనే ఆత్మ‌హ‌త్య చేసుకుంది. గ‌న్నేరు ప‌ప్పు తిన‌డంతో అది విష‌మైంద‌ని…. ఇట్లా…. ర‌క‌ర‌కాల విష‌యాలు వార్త‌ల‌య్యాయి. ఇవన్నీ ఒట్టి పుకార్ల‌ని సృజ‌న సోద‌రుడు విజ‌య్ స్ప‌ష్టం చేశారు. సృజ‌న ఆత్మ‌హ‌త్య చేసుకుంద‌న్న వార్త‌ల‌ను ఆయ‌న పూర్తిగా ఖండించారు. అలాగే.. ఈ పెళ్లి కూడా ఆమె ఇష్ట ప్ర‌కార‌మే జ‌రిగింద‌ని వెల్ల‌డించారు.

సృజ‌న మృతిపై సోద‌రుడు విజ‌య్ శుక్ర‌వారం విలేక‌రుల‌తో మాట్లాడారు. ఈ సంబంధం ఆమె ఇష్ట ప్ర‌కార‌మే కుదుర్చామ‌ని, ఈ సంబంధం ఇష్టం లేక ఆత్మ‌హ‌త్య చేసుకుంద‌న్న వార్త‌లు త‌ప్ప‌ని పేర్కొన్నారు. అయితే పెళ్లి స‌మ‌యంలో రుతుక్ర‌మ స‌మ‌స్య రాకూడ‌ద‌ని, ఆమె రుతుక్ర‌మానికి సంబంధించిన మాత్ర‌లు వాడింద‌ని, ఆ కార‌ణంగానే ఆమెకు అనారోగ్య స‌మ‌స్య‌లు వ‌చ్చాయ‌ని వెల్ల‌డించారు.

ఆమె ఇష్ట‌ప్ర‌కార‌మే ఈ పెళ్లి కుదిరింది. మేం బంధువులం కూడా. సృజ‌న మృతిపై ఇరు కుటుంబాల్లో కూడా ఎలాంటి అనుమానాలు లేవు. మీడియా త‌న‌కు ఇష్టం వ‌చ్చిన వార్త‌ల‌ను రాసేస్తోంది. సృజ‌న హ‌ఠాన్మ‌ర‌ణానికి మాకు కూడా కార‌ణం తెలియ‌దు. పోస్ట్‌మార్టం రిపోర్టు వ‌స్తేనే తెలిసేది. ఈ హ‌ఠాన్మ‌ర‌ణంతో ఇరు కుటుంబాలు కూడా షాక్‌లోనే వున్నాయి. అని సోద‌రుడు విజ‌య్ పేర్కొన్నారు.