Kadambari Jethwani | అన్ని రాష్ట్రాల్లో హనీట్రాప్‌ కేసులో నిందితురాలు.. ఏపీలో మాత్రం బాధితురాలు ఎలా అయ్యింది.. ముంబై నటి వివాదంపై వైసీపీ రియాక్షన్‌

Kadambari Jethwani | బాలీవుడ్‌ హీరోయిన్‌గా చెప్పుకునే కాదంబరీ జత్వానీ బడా పారిశ్రామికవేత్తలు, రాజకీయ నేతలు, బ్యూరోక్రాట్లను లక్ష్యంగా చేసుకుని హనీట్రాప్‌ చేయడం.. అనంతరం బ్లాక్‌మెయిల్‌ చేయడంలో సిద్ధహస్తురాలు అని వైసీపీ ఆరోపించింది. ఫోర్జరీ సంతకాలు చేయడం, బోగస్‌ పత్రాలు సృష్టించడం కూడా ఆమెకు అలవాటే అని పేర్కొంది.

Kadambari Jethwani | ముంబై నటి కాదంబరీ జత్వానీ వ్యవహారం ఏపీలో సంచలనంగా మారింది. గత ప్రభుత్వంలో వైసీపీ పెద్దలు, కొంతమంది ఐపీఎస్‌ అధికారులు కలిసి తనను వేధించారని, ఆటబొమ్మలా వాడుకుని.. అక్రమ కేసులు పెట్టారని జత్వానీ చేసిన ఆరోపణలపై ఏపీ ప్రభుత్వం సీరియస్‌గా తీసుకుని విచారణకు ఆదేశించింది. ఈ క్రమంలో వైసీపీ తీవ్రంగా స్పందించింది. వైసీపీపై బురదజల్లేందుకు రెండు రోజులుగా టీడీపీ, పచ్చ మీడియా విశ్వ ప్రయత్నం చేస్తుందని విమర్శించింది. సూపర్‌ 6 హామీలను అమలు చేయలేక.. ప్రజలను తప్పదోవ పట్టించేందుకు.. హనీట్రాప్‌ చేసే మహిళను తెరపైకి తీసుకొచ్చి నాటకం ఆడుతోందని పేర్కొంది. అన్ని రాష్ట్రాల్లో నిందితురాలు అయిన జత్వానీ.. ఏపీలో మాత్రం బాధితురాలు ఎలా అవుతుందని ప్రశ్నించింది.

బాలీవుడ్‌ హీరోయిన్‌గా చెప్పుకునే కాదంబరీ జత్వానీ బడా పారిశ్రామికవేత్తలు, రాజకీయ నేతలు, బ్యూరోక్రాట్లను లక్ష్యంగా చేసుకుని హనీట్రాప్‌ చేయడం.. అనంతరం బ్లాక్‌మెయిల్‌ చేయడంలో సిద్ధహస్తురాలు అని వైసీపీ ఆరోపించింది. ఫోర్జరీ సంతకాలు చేయడం, బోగస్‌ పత్రాలు సృష్టించడం కూడా ఆమెకు అలవాటే అని పేర్కొంది. ఈ విషయాలన్నీ పలు ఆధారాలతో సహా నిర్ధారణ అయ్యాయని.. పలు రాష్ట్రాల్లో ఆమెపై హనీట్రాప్‌ కేసులు బుక్కయ్యాయని బయటపెట్టింది. పలు రాష్ట్రాల్లో ఆమెపై హానీట్రాప్‌ కేసులు ఉండగా.. ఏపీలో మాత్రం బాధితురాలిగా చిత్రీకరిస్తున్నారని మండిపడింది.

 

సూపర్-6 హామీలను అమలు చేయలేక ప్రజలను తప్పుదోవ పట్టించడానికే టీడీపీ, ఎల్లో మీడియా కలిసి.. హనీ ట్రాప్ చేసే మహిళను తెరపైకి తెచ్చి నాటకం ఆడుతోంది

ఆ బురదను వైయస్ఆర్ సీపీతో పాటు పోలీసు ఉన్నతాధికారులకి రుద్దడానికి @JaiTDP ప్రయత్నిస్తోంది

అన్ని రాష్ట్రాలలో నిందితురాలు అయిన ఆమె.. ఏపీలో… pic.twitter.com/Uaisx94WjX

— YSR Congress Party (@YSRCParty) August 29, 2024

జత్వానీ బ్లాక్‌మెయిలింగ్‌ దందాను ఆసరాగా తీసుకుని ఏపీలో టీడీపీ కూటమి ప్రభుత్వం దుష్ట రాజకీయాలకు తెరతీసిందని వైసీపీ మండిపడింది. బాధితులకు బాసటగా నిలవాల్సిందిపోయి.. బాధితులనే బెదిరింపులకు గురి చేసే వ్యూహం పన్నిందని ఆరోపించింది. జత్వానీ హనీట్రాప్‌కి బలై కోట్లకు కోట్లు సమర్పించుకున్న పారిశ్రామికవేత్తలనే దోషులకు చిత్రీకరించి చంద్రబాబు సర్కార్‌ వేధింపులకు పాల్పడుతుందని విమర్శించింది.