Donations | తిరుమల దేవస్థానానికి విరాళాల వెల్లువ

Donations | కలియుగ వేంకటేశ్వరస్వామి దేవస్థానం తిరుమలకు విరాళాలు వెల్లువెత్తుతున్నాయి.

తిరుమల : కలియుగ వేంకటేశ్వరస్వామి దేవస్థానం తిరుమల( Tirumala )కు విరాళాలు ( Donations ) వెల్లువెత్తుతున్నాయి. ఒంగోలుకు చెందిన గడ్డం వేణు గోపాల్ అనే భక్తుడు వేంకటేశ్వర అన్న ప్రసాదం ట్రస్టుకు గురువారం రూ.20 లక్షలు విరాళంగా అందించారు.ఈ మేరకు తిరుమలలోని టీటీడీ అదనపు ఈవో క్యాంపు కార్యాలయంలో అదనపు ఈవో సి.హెచ్.వెంకయ్య చౌదరికి విరాళం డీడీని అందజేశారు.

అదేవిధంగా గూడూరుకు చెందిన పుట్టి వేంకటేశ్వర్లు అనే భక్తుడు వేంకటేశ్వర అన్న ప్రసాదం ట్రస్టుకు రూ.33,00,116 విరాళంగా అందించారు.ఈ మేరకు దాత తరఫున వారి ప్రతినిధి మోహన్ కుమార్ రెడ్డి విరాళం డీడీని అందజేశారు. హైదరాబాద్ కు చెందిన పి.వీరేంద్ర బాబు, అనే భక్తుడు వేంకటేశ్వర ప్రాణదాన ట్రస్టుకు రూ.10 లక్షలు విరాళంగా అందించారు.ఈ మేరకు దాత టీటీడీ చైర్మన్ బీ.ఆర్.నాయుడుకు విరాళం డీడీని అందజేశారు.