AP News | ఏపీలో లోకల్బాడీ ఎన్నికలు.. ఈ నెల 26న 23 మున్సిపాలిటీల్లో సెలవు..!
AP News | ఆంధ్రప్రదేశ్లో ఎన్నికలు జరగకుండా మిగిలిన 23 పట్టణ స్థానిక సంస్థలకు ఈ నెల 26న పోలింగ్ జరుగనుంది. దాంతో ఆ రాష్ట్ర ఎన్నికల సంఘం ఈ నెల 26న 23 పట్టణ స్థానిక సంస్థల్లో సెలవు ప్రకటించింది. ఈ మేరకు ఇప్పటికే ఉత్తర్వులు కూడా జారీచేసింది. ఉద్యోగులు తమ ఓటు హక్కును వినియోగించుకునేందుకు వీలుగా ఈ నిర్ణయం తీసుకుంది.
AP News : ఆంధ్రప్రదేశ్లో ఎన్నికలు జరగకుండా మిగిలిన 23 పట్టణ స్థానిక సంస్థలకు ఈ నెల 26న పోలింగ్ జరుగనుంది. దాంతో ఆ రాష్ట్ర ఎన్నికల సంఘం ఈ నెల 26న 23 పట్టణ స్థానిక సంస్థల్లో సెలవు ప్రకటించింది. ఈ మేరకు ఇప్పటికే ఉత్తర్వులు కూడా జారీచేసింది. ఉద్యోగులు తమ ఓటు హక్కును వినియోగించుకునేందుకు వీలుగా ఈ నిర్ణయం తీసుకుంది. నాలుగు నగరపాలక సంస్థలు, 19 మున్సిపాలిటీలు, నగర పంచాయతీలకు ఎన్నికలు జరుగనున్నాయి.
ఆ 23 స్థానిక సంస్థల పరిధిలోని ప్రైవేట్ సంస్థలు, కంపెనీలు కూడా తమ ఉద్యోగులకు నవంబర్ 26న సెలవు ప్రకటించేలా చర్యలు తీసుకోవాలని జిల్లా కలెక్టర్లకు ప్రభుత్వం ఆదేశాలు జారీచేసింది. రాష్ట్ర ఎన్నికల సంఘం నోటిఫికేషన్ ప్రకారం.. శ్రీకాకుళం, కాకినాడ, రాజమహేంద్రవరం, మంగళగిరి-తాడేపల్లి నగరపాలక సంస్థలతోపాటు 19 మున్సిపాలిటీలు, నగర పంచాయతీలకు నవంబర్ 26న పోలింగ్ నిర్వహించనున్నారు.
పోలింగ్ అవసరాల కోసం వివిధ ప్రభుత్వ శాఖలకు చెందిన వాహనాలను జిల్లా కలెక్టర్లకు అప్పగించాలని ప్రభుత్వం మరో ఉత్తర్వులో పేర్కొన్నది. కాగా, రాష్ట్రంలోని 26 జిల్లాల్లో తొలి దశ గ్రామ పంచాయతీ ఎన్నికలు కూడా అదేరోజు జరగనున్నాయి. లోకల్ బాడీ ఎన్నికల పోలింగ్ ఉదయం 7 నుంచి సాయంత్రం 5 గంటల వరకు, పంచాయతీ ఎన్నికల పోలింగ్ ఉదయం 7 గంటల నుంచి మధ్యాహ్నం 1 గంటవరకు కొనసాగనున్నాయి.
Read Today's Latest Andhrapradesh-news News in Telugu and Telugu News
RELATED ARTICLES
తాజా వార్తలు
AP News | ఏపీలో లోకల్బాడీ ఎన్నికలు.. ఈ నెల 26న 23 మున్సిపాలిటీల్లో సెలవు..!
లావుడియా తండా గ్రామ పెద్దగా వాగ్య నాయక్ ఎన్నిక
Uttar Pradesh: యూపీలో 13.58 కోట్ల మంది ఓటర్లు.. ఎస్ఎస్ఆర్లో అదనంగా 18 లక్షల మంది
గోమర్దాకు కృష్ణ జింకలు.. జీవవైవిధ్య పరిరక్షణకు చర్యలు
Sam Altman | ఎంతపెద్ద హీరోలోనైనా లోపాలుంటాయ్.. జెన్సన్ హువాంగ్కు మద్దతుగా శామ్ ఆల్ట్మన్..!
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

