AP News | ఏపీలో గుండెపోటుతో ఎన్నిక‌ల అధికారిణి దుర్మ‌ర‌ణం..!

AP News | అనంతపురం జిల్లా కూడేరు మండలం కడదరకుంటలో విషాదం చోటుచేసుకుంది. ఎన్నికల విధులు నిర్వ‌హిస్తున్న ఓ అధికారిణి గుండెపోటుతో ప్రాణాలు కోల్పోయారు. ఏపీవోగా విధులు నిర్వహిస్తున్న హరిత గౌడ్‌కు గుండెపోటు రావడంతో ఒక్కసారిగా కుప్పకూలిపోయారు. అప్రమత్తమైన సహచర సిబ్బంది, పోలీసులు ఆమెను కూడేరు ఆస్పత్రికి తరలిస్తుండగా మార్గమధ్యలో మృతిచెందారు.

AP News : అనంతపురం జిల్లా కూడేరు మండలం కడదరకుంటలో విషాదం చోటుచేసుకుంది. ఎన్నికల విధులు నిర్వ‌హిస్తున్న ఓ అధికారిణి గుండెపోటుతో ప్రాణాలు కోల్పోయారు. ఏపీవోగా విధులు నిర్వహిస్తున్న హరిత గౌడ్‌కు గుండెపోటు రావడంతో ఒక్కసారిగా కుప్పకూలిపోయారు. అప్రమత్తమైన సహచర సిబ్బంది, పోలీసులు ఆమెను కూడేరు ఆస్పత్రికి తరలిస్తుండగా మార్గమధ్యలో మృతిచెందారు. హరిత గౌడ్‌ రాయదుర్గంలో ఉపాధ్యాయురాలిగా పని చేస్తున్నారు.

అనంతపురం జిల్లా కల్యాణదుర్గం మండలం పిట్లంపల్లి గ్రామంలోని పోలింగ్‌ కేంద్రం 3లో గందరగోళం చోటుచేసుకుంది. దాంతో అధికారులు సుమారు గంటసేపు పోలింగ్‌ను నిలిపివేశారు. ఓటువేసే సమయంలో టీడీపీ, వైసీపీ వర్గీయులు ఒకేసారి పోలింగ్‌ కేంద్రంలోకి వెళ్లడంతో ప‌రిస్థితి ఉద్రిక్తంగా మారింది. ఈ క్రమంలో ఇరువర్గాల మధ్య వాగ్వాదం చోటుచేసుకోవడంతో ఎన్నికల సిబ్బంది భయాందోళనకు గురయ్యారు.

అనంతరం అధికారులు వారిని బయటకు పంపి పోలింగ్‌ కేంద్రానికి తాళం వేశారు. ఎన్నికల రిటర్నింగ్ అధికారులు విషయాన్ని ఆరా తీసి ఇరువర్గాల వారితో మాట్లాడారు. మరోసారి ఇరువర్గాల వారు పోలింగ్‌ కేంద్రంలోకి దూసుకురాగా, రూరల్‌ సీఐ గంగాధర సిబ్బందితో కలిసి వారిని చెదరగొట్టారు. కేవలం ఓటువేసేవారిని క్యూలో నిలుచోబెట్టి మళ్లీ పోలింగ్‌ ప్రారంభించారు.

మరోవైపు నెల్లూరు జిల్లా అనంతసాగరం ప్రభుత్వ పాఠశాల వద్ద ఉద్రిక్తత చోటుచేసుకుంది. వైసీపీ అభ్యర్థులు పోలింగ్‌ కేంద్రంలో ఉన్నారని మంత్రి ఆనం రామనారాయణరెడ్డి అభ్యంతరం వ్యక్తంచేశారు. దీనిపై వైసీపీ నాయకులు స్పందిస్తూ.. మీ పార్టీ వాళ్లు ఎందుకున్నారని ఎదురు ప్రశ్నించారు. ఈ క్రమంలో మంత్రి ఆనం, వైసీపీ మాజీ ఎమ్మెల్యే విక్రమ్‌రెడ్డి పోలింగ్‌ కేంద్రం వద్ద బైఠాయించారు. ఇరు వర్గాల మధ్య తోపులాట చోటుచేసుకుంది. పోలీసులు కలగజేసుకొని వారిని చెదరగొట్టారు.