Cyclone | ఏపీకి పొంచి ఉన్న మరో తుపాను ముప్పు

Cyclone | రెండు వరుస తుపాను లతో ఉక్కిరిబిక్కిరైన ఆంధ్రప్రదేశ్‌ కు మరో తుపాను ముప్పు పొంచి ఉంది.

అమరావతి : రెండు వరుస తుపాను ( Cyclone  ) లతో ఉక్కిరిబిక్కిరైన ఆంధ్రప్రదేశ్‌ ( Andhra Pradesh) కు మరో తుపాను ముప్పు పొంచి ఉంది. ఆగ్నేయ బంగాళాఖాతంలో తీవ్ర అల్పపీడనం బలపడడంతో రాగల 24 గంటల్లో వాయవ్య దిశగా కదులుతూ వాయుగుండంగా బలపడే అవకాశం ఉందని వాతావరణశాఖ అధికారులు వివరించారు.

వాయుగుండం ఉత్తర వాయవ్వ దిశగా కదులుతూ మరింత బలపడే అవకాశం ఉందన్నారు. ఎల్లుండి సాయంత్రానికి మధ్య బంగాళాఖాతంలో తుపానుగా మారే అవకాశం పేర్కొన్నారు. గత నెలలో ఆర్నబ్‌, మురసు తుపాను కారణంగా ఏపీలో భారీ వర్షాలు కురిసాయి. ఈదురుగాలులతో కొబ్బరి చెట్లు, విద్యుత్‌ స్తంభాలు నెలకొరిగాయి. వేలాది ఎకరాల్లో పంట నష్టం జరిగింది . ఇండ్లు దెబ్బతిన్నాయి.