MP Gurumurthy | స్థానిక సంస్థల ఎన్నికలలో అక్రమాలపై నిష్పక్షపాత విచారణ జరిపించాలి : ఎంపీ గురుమూర్తి

MP Gurumurthy | ఏపీలో జరుగుతున్న స్థానిక సంస్థల ఎన్నికలలో అక్రమాలపై నిష్పక్షపాత విచారణ జరిపించాలని రాష్ట్రపతి ద్రౌపది ముర్ము, గవర్నర్‌ అబ్దుల్‌ నజీర్‌లకు వైఎస్సార్‌సీపీ ఎంపీ గురుమూర్తి లేఖ రాశారు.

అమరావతి : ఏపీలో జరుగుతున్న స్థానిక సంస్థల ఎన్నికల ( Local body Elections)  లో అక్రమాలపై నిష్పక్షపాత విచారణ ( Impartial inquiry ) జరిపించాలని రాష్ట్రపతి ద్రౌపది ముర్ము, గవర్నర్‌ అబ్దుల్‌ నజీర్‌లకు వైఎస్సార్‌సీపీ ఎంపీ గురుమూర్తి ( MP Gurumurthy ) లేఖ రాశారు. ఏపీ స్థానిక ఎన్నికల్లో అక్రమలు, హింస, నామినేషన్‌ అడ్డగింతలను వివరించారు. తిరుపతి, కడప, చిత్తూరు, అన్నమయ్య తదితర జిల్లాల్లో ప్రతిపక్ష అభ్యర్థులపై బెదిరింపు, దాడులకు దిగారని ఫిర్యాదు చేశారు.

పుంగనూరులో రాజంపేట ఎంపీ మిథున్ రెడ్డిపై దాడి, వాహనాలు ధ్వంసం, నిప్పంటించడం వంటి హింసాత్మక ఘటనలు జరిగాయని పేర్కొన్నారు. 222 వార్డుల్లో ఒక్క నామినేషన్ కూడా దాఖలు కాలేక పోవడం వెనుక కూటమి నాయకుల బెదిరింపులు కారణమని వెల్లడించారు. ఎన్నికల సంఘం వైఖరి, పోలీసుల పక్షపాతంపై నిష్పక్షపాత విచారణ చేపట్టాలని, కేంద్ర బలగాలు, విశ్రాంత న్యాయమూర్తి పర్యవేక్షణతో స్వేచ్ఛాయుత ఎన్నికలు జరిపించాలనిఆయన కోరారు.