Puffed Rice | పేలాలను చిన్నచూపు చూస్తున్నారా? వాటి ఉపయోగాలు తెలిస్తే రోజూ అవే కావాలంటారు!!

Puffed Rice | పేలాలు చూసేందుకు.. మోసేందుకు పేలవంగా ఉన్నా.. శరీరానికి శక్తిని, ఆరోగ్యాన్ని ఇవ్వడంలో మాత్రం తిరుగులేదు. ఆకలితో ఉన్నవారికి వెంటనే కడుపు నింపి తక్షణ శక్తినిస్తాయి. కొవ్వు పెరుగుతుందేమో అనే టెన్షన్‌ అవసరం లేదు. ఎలాంటి అరమరికలు లేకుండా మురమురాల ఉపయోగాలు తెలుసుకుందామా!

Puffed Rice |  పేలాలు చూసేందుకు.. మోసేందుకు పేలవంగా ఉన్నా.. శరీరానికి శక్తిని, ఆరోగ్యాన్ని ఇవ్వడంలో మాత్రం తిరుగులేదు. ఆకలితో ఉన్నవారికి వెంటనే కడుపు నింపి తక్షణ శక్తినిస్తాయి. కొవ్వు పెరుగుతుందేమో అనే టెన్షన్‌ అవసరం లేదు. ఎలాంటి అరమరికలు లేకుండా మురమురాల ఉపయోగాలు తెలుసుకుందామా!

శరీరానికి తక్కువ సమయంలో తక్కువ కేలరీలతో.. ఎక్కువ శక్తి రావాలంటే పేలాలను మించిన ప్రత్యామ్నాయం లేదంటున్నారు న్యూట్రిషనిస్టులు. ఇందులో గ్లూటెన్‌ శాతం కూడా తక్కువే. మధుమేహంతో బాధపడేవారు మొహమాటం లేకుండా లాగించవచ్చు. కేలరీలు, కొవ్వు తక్కువ.. పోషకాలు మాత్రం పుష్కలం. అందుకే, పిల్లలకు పేలాలతో చేసిన స్నాక్స్‌ ఇవ్వమని సలహా ఇస్తుంటారు పోషకాహార నిపుణులు. అధిక బరువుతో ఇబ్బంది పడేవారికి ఇది మంచి ఎంపిక. శరీరానికి కావాల్సిన శక్తిని ఇచ్చి కేలరీల విషయంలో పొదుపుగా ఉంటుంది. హైబీపీతో బాధపడేవారు చాలా ఆహార పదార్థాలకు దూరంగా ఉండాల్సి వస్తుంది. పేలాలను మాత్రం దూరం పెట్టాల్సిన అవసరం లేదు. పేలాలలో సోడియం తక్కువ. దీంతో రక్తపోటును నియంత్రించేందుకు దోహదం చేస్తాయి. పేలాల్లో యాంటీ ఆక్సిడెంట్లు అపారం.

మనలో రోగ నిరోధక శక్తిని పెంచుతాయి. శరీరానికి కావాల్సిన క్యాల్షియం, ఫైబర్‌, ఐరన్‌, కార్బొహైడ్రేట్లను అందించి.. కండర పుష్టికి సాయపడతాయి. ఎముకలు కూడా బలంగా ఉంటాయి. పేలాలు తినడం తేలిక. జీర్ణం చేసుకోవడం కూడా తేలికే. అంతేకాదు.. ఉదర సంబంధ వ్యాధులకు చెక్‌ పెట్టి.. పొట్ట ఆరోగ్యాన్ని కాపాడతాయి. బఠానీలు, పల్లీలు, పుట్నాలతో కలిపి తీసుకుంటే రుచితోపాటు.. ఒంటికి మరిన్ని పోషకాలు అందుతాయి. పిల్లలు వద్దని మొండికేస్తే.. బెల్లంతో కలిపి పేలాల లడ్డూ తయారు చేసి ఇస్తే సరిపోతుంది. వాళ్లే ఇష్టంగా తింటారు.