శరీరమంతా ఒక రంగు. మెడ ప్రాంతంలో మాత్రం.. నల్లటి మచ్చలు, వలయాలు. చాలామందిని ఇబ్బందిపెట్టే సమస్య ఇది. రుచుల అడ్డా.. ఆలుగడ్డ సౌందర్య సమస్యల పరిష్కారానికి కూడా పనికొస్తుందని చెబుతున్నారు నిపుణులు. అలా అని, ఇదేమంత కష్టమైన ప్రక్రియ కాదు. ఆలుగడ్డ పొట్టు తీసి, చిన్నగా తురమాలి. ఆ తురుమును చిన్న గిన్నెలో వేసి రసం పట్టాలి. ఆ తాజా రసాన్ని నల్లని మచ్చలు, వలయాలు ఉన్నచోట దూదితో రాసుకోవాలి. పదిహేను నిమిషాలు ఆరిపోయాక, టిష్యూ పేపర్తో తుడుచుకోవాలి. చల్లని నీటితో కడిగి తువ్వాలుతోనూ శుభ్రంచేసుకోవచ్చు. క్రమం తప్పకుండా, నెలరోజుల పాటు ప్రయత్నిస్తే మెరుగైన ఫలితాలు వస్తాయని నిపుణులు చెబుతున్నారు. ఆలుగడ్డ వడదెబ్బ నుంచి చర్మాన్ని కాపాడుతుంది. మేని ఛాయను మెరుగుపరుస్తుంది. అంతేకాదు, చర్మం మీదున్న మృతకణాలనూ తొలగిస్తుంది.