Visit:
హైదరాబాద్ : నిత్యం అత్యంత రద్దీగా ఉండే ఉప్పల్ రింగ్ రోడ్డు ( Uppal ring road ) వద్ద ట్రాఫిక్ ఆంక్షలు ( Traffic Restrictions) విధించారు. ఉప్పల్ రింగ్ రోడ్ నుంచి హన్మకొండవైపు వెళ్లే మార్గాన్ని తాత్కాలికంగా అధికారులు ట్రాఫిక్ను మళ్లిస్తున్నారు. ఫ్లైఓవర్ పనుల దృష్ట్యా ఈ నిర్ణయం తీసుకున్నారు.
ఉప్పల్ రింగ్ రోడ్డు వద్ద హన్మకొండ వైపు వెళ్ళే బస్సులు ఆగే బస్టాండ్ను నల్లచెరువు వద్ద ఏర్పాటు చేసిన తాత్కాలిక బస్టాండ్కు మార్చారు. ఆదివారం నుంచి అక్కడే బస్సులు ఆగుతాయని అధికారులు ఒక ప్రకటనలో వెల్లడించారు. బోడుప్పల్ వైపు నుంచి వచ్చే వాహనాలు ఏషియన్ థియేటర్ వద్ద నుంచి భగాయత్ లే-అవుట్ ద్వారా నాగోల్ చేరుకోవాలని సూచించారు.
సికింద్రాబాద్ నుంచి వరంగల్ వైపు వెళ్లే భారీ వాహనాలు హబ్సిగూడ నుంచి నాచారం ద్వారా చెంగిచర్ల చేరుకుని అక్కడి నుంచి జాతీయ రహదారి చేరుకోవాలని, చిన్న వాహనాలు లిటిల్ ఫ్లవర్ స్కూల్ వెనుక నుంచి రహదారికి చేరుకోవాలని సూచించారు.
