అలుగు పోస్తున్న చింతల చెరువు.. ఎన్‌హెచ్‌ 65పై ట్రాఫిక్‌ జామ్‌

ట్రాఫిక్‌ జామ్‌ | రంగారెడ్డి జిల్లాలో శనివారం సాయంత్రం కురిసిన భారీ వర్షానికి వాగులు, వంకలు పొంగిపొర్లుతున్నాయి. కుండపోతగా కురిసిన వానకు హైదరాబాద్‌ శివార్లలోని

హైదరాబాద్‌: రంగారెడ్డి జిల్లాలో శనివారం సాయంత్రం కురిసిన భారీ వర్షానికి వాగులు, వంకలు పొంగిపొర్లుతున్నాయి. కుండపోతగా కురిసిన వానకు హైదరాబాద్‌ శివార్లలోని అబ్దుల్లాపూర్‌మెట్​వద్ద ఉన్న చింతలచెరువు నిండి అలుగు పారుతున్నది. దీంతో ఇనాంగూడ వద్ద విజయవాడ జాతీయ రహదారిపై భారీగా వరద ప్రవహిస్తున్నది. దీంతో వాహనదారులు తీవ్ర ఇబ్బందులు పడుతున్నారు. వరద నీటి వల్ల వాహనాలు నిలిచిపోవడంతో ట్రాఫిక్ జామ్ ఏర్పడింది. ఈ నేపథ్యంలో స్థానిక పోలీసులు ట్రాఫిక్ క్లియర్‌ చేసేందుకు ప్రయత్నిస్తున్నారు.