13 నుంచి నిరవధిక సమ్మె.. ఎన్‌హెచ్‌ఎం జేఏసీ

రాష్ట్రవ్యాప్తంగా జాతీయ ఆరోగ్య మిషన్‌(ఎన్‌హెచ్‌ఎం) పరిధిలో పనిచేస్తున్న ఉద్యోగుల సర్వీసులను క్రమబద్ధీకరించి ఉద్యోగ భద్రత కల్పించాలనే డిమాండ్‌తో ఈ నెల 13 నుంచి నిరవధిక సమ్మె చేపట్టనున్నట్టు ఎన్‌హెచ్‌ఎం జేఏసీ ప్రతినిధులు ప్రకటన విడుదల చేశారు.

హైదరాబాద్‌, అక్టోబర్‌ 10 (నమస్తే తెలంగాణ):  రాష్ట్రంలో పనిచేస్తున్న 17వేల మంది ఎన్‌హెచ్‌ఎం ఉద్యోగులను రెగ్యులర్‌ చేయాలన్నారు. క్రమబద్ధీకరణ పూర్తయ్యేవరకూ వంద శాతం గ్రాస్‌ సాలరీ ఇవ్వాలని.. ఉద్యోగ, ఆరోగ్య భద్రత కల్పించాలని, 180 రోజుల వేతనంతో కూడిన ప్రసూతి సెలవులు ప్రకటించాలని డిమాండ్‌ చేశారు.

5 శాతం వార్షిక ఇంక్రిమెంట్లు, 8 శాతం లాయల్టీ బోనస్‌, పీఆర్సీ ప్రయోజనాలు కల్పించాలని ప్రభుత్వాన్ని డిమాండ్‌ చేస్తున్నారు.