TG LAWCET | టీజీ లాసెట్, పీజీఎల్‌సెట్ 2024 ఫ‌లితాలు విడుద‌ల‌.. 72.66 శాతం ఉత్తీర్ణ‌త‌

TG LAWCET | టీజీ లాసెట్‌, పీజీఎల్‌సెట్ 2024 ఫ‌లితాలు గురువారం విడుద‌ల అయ్యాయి. మ‌ధ్యాహ్నం 3.30 గంట‌ల‌కు ఉన్న‌త విద్యా మండ‌లి చైర్మ‌న్ ఆర్ లింబాద్రి, ఓయూ ఇంచార్జి వీసీ దాన కిశోర్ క‌లిసి ఫ‌లితాల‌ను విడుద‌ల చేశారు.

TG LAWCET | హైద‌రాబాద్ : టీజీ లాసెట్‌, పీజీఎల్‌సెట్ 2024 ఫ‌లితాలు గురువారం విడుద‌ల అయ్యాయి. మ‌ధ్యాహ్నం 3.30 గంట‌ల‌కు ఉన్న‌త విద్యా మండ‌లి చైర్మ‌న్ ఆర్ లింబాద్రి, ఓయూ ఇంచార్జి వీసీ దాన కిశోర్ క‌లిసి ఫ‌లితాల‌ను విడుద‌ల చేశారు. ఫ‌లితాల కోసం ఈ వెబ్‌సైట్ లింక్‌ను https://lawcet.tsche.ac.in క్లిక్ చేయొచ్చు.

లాసెట్, పీజీఎల్‌సెట్‌కు క‌లిపి 50,684 మంది అభ్య‌ర్థులు ద‌రఖాస్తు చేసుకున్నారు. 29,258 మంది అభ్య‌ర్థులు అర్హ‌త సాధించారు. లాసెట్ ఫ‌లితాల్లో 72.66 శాతం ఉత్తీర్ణ‌త న‌మోదైన‌ట్లు అధికారులు పేర్కొన్నారు.

జూన్ 3వ తేదీన టీఎస్ లాసెట్ పరీక్షలను నిర్వహించారు. ఉద‌యం 9 నుంచి 10.30 వ‌ర‌కు మొదటి సెషన్ జరిగింది. ఇక మ‌ధ్యాహ్నం 12.30 నుంచి 2 గంట‌ల వ‌ర‌కు రెండో సెషన్, సాయంత్రం 4 నుంచి 5.30 గంట‌ల వ‌ర‌కు మూడో సెషన్ పరీక్షను నిర్వహించారు.