31న దావత్‌.. ఇండ్లల్లోనే ఎక్కువ

• గేటెడ్‌ కమ్యూనిటీల్లో పెరిగిన విజిటర్లు, ఆర్డర్ల సంఖ్య
• మైగేట్‌ విశ్లేషణలో ఆసక్తికర అంశాలు

హైదరాబాద్‌, జనవరి 20 (నమస్తే తెలంగాణ): గేటెడ్‌ కమ్యూనిటీల్లో చాలా మంది కొత్త సంవత్సర వేడుకలు ఇంట్లో చేసుకునేందుకే మొగ్గు చూపారట. ఆరోజు సాయంత్రం 7-10 గంటల మధ్య గేటెడ్‌ కమ్యూనిటీల్లోకి వచ్చే విజిటర్లు, ఆన్‌లైన్‌ ఆర్డర్ల సంఖ్య విపరీతంగా పెరిగిందట. ప్రముఖ కమ్యూనిటీ మేనేజ్‌మెంట్‌ సర్వీసెస్‌ సంస్థ ‘మైగేట్‌’ తాజాగా విడుదల చేసిన నివేదికలో పలు ఆసక్తికర అంశాలు ఉన్నాయి.

• డిసెంబర్‌ 31న ఒక దశలో నిమిషానికి దాదాపు 10వేల గేట్‌ ఎంట్రీలు నమోదయ్యాయి.
• గతంలో డిసెంబర్‌ 31న నమోదైన ఎంట్రీలతో పోల్చితే ఈ సారి ఏకంగా 250 శాతం ఎక్కువ.
• దీన్ని బట్టి చాలామంది కుటుంబసభ్యులు, ఫ్రెండ్స్‌తో కలిసి ఇంట్లో ఉండి దావత్‌ చేసుకునేందుకే మొగ్గు చూపారు.
• పొంగల్‌ నేపథ్యంలో చెన్నైలో నూతన సంవత్సరం కన్నా ఈ నెల రెండో వారంలో ఎక్కువ ఎంట్రీలు నమోదయ్యాయి.
• హైదరాబాద్‌ సహా అనేక పట్టణాల్లోని గేటెడ్‌ కమ్యూనిటీల్లో బాత్‌రూం క్లీనింగ్‌ ఎక్కువ డిమాండ్‌ ఉన్న సర్వీస్‌ అని, లాండ్రీ, హౌజ్‌ పెయింటింగ్‌ ఆ తర్వాతి స్థానాల్లో ఉన్నాయి.
• కొత్త సంవత్సరంలో ఆరోగ్యంపై ఆసక్తి చూపారని, జిలలో ఎక్కువగా బుకింగ్స్‌ నమోదయ్యాయని సంస్థ వెల్లడించింది. దీంతోపాటు బ్యాడ్మింటన్‌, టేబుల్‌ టెన్నిస్‌ వంటి ఆటలకూ డిమాండ్‌ పెరిగింది.