పొట్లాపూర్కు మోక్షమెప్పుడో?
ముఖ్యమంత్రి సమక్షంలో తీసుకున్న నిర్ణయానికే విలువ లేకుండాపోయింది. ప్రభుత్వ నిర్లక్ష్యం, అధికారుల పట్టింపులేనితనం కారణంగా పొట్లాపూర్ ఎత్తిపోతల పథకం పనులకు మోక్షం లభించడం లేదు.
- సీఎం రేవంత్ ప్రకటించిన పథకానికే అతీగతీ లేదు
- సిద్ధం కాని డీపీఆర్.. సాగునీటి పథకంపై సాగదీత
గోవిందరావుపేట, నవంబర్ 15 : ముఖ్యమంత్రి సమక్షంలో తీసుకున్న నిర్ణయానికే విలువ లేకుండాపోయింది. ప్రభుత్వ నిర్లక్ష్యం, అధికారుల పట్టింపులేనితనం కారణంగా పొట్లాపూర్ ఎత్తిపోతల పథకం పనులకు మోక్షం లభించడం లేదు. రాష్ట్ర మంత్రివర్గ సమావేశంలో ముఖ్యమంత్రి రేవంత్రెడ్డి గోదావరి జలాల తరలింపు కోసం ములుగు జిల్లా లో పొట్లాపూర్ ప్రాజెక్టును ప్రకటించారు. ఇంకా ప్రాజెక్టు పనులకు డీపీఆర్ సిద్ధం కాలేదు. ఆగస్టు 16న సీఎం రేవంత్రెడ్డి, మంత్రి సీతక్క ములుగు సమీకృత కలెక్టరేట్ భవన సముదాయాన్ని ప్రారంభించిన సమయంలో పొట్లాపూర్ ఎత్తిపోతల పథ కం పనులకు కలెక్టరేట్ ఆవరణలో శంకుస్థాపన చేశారు. ముఖ్యమంత్రి ప్రకటన చేసి 10 నెలలైనా పనులు మాత్రం ఇంకా మొదలు కాలేదు. ప్రాజెక్టు నిర్మాణం చేపట్టేందుకు డిటైల్డ్ ప్రాజెక్టు రిపోర్టు (డీపీఆర్) సైతం ఇంకా సిద్ధం కాలేదు.
సీఎం ప్రకటించినా..
ములుగు మండలంలోని రైతాంగానికి సాగునీటిని అందించేందుకు పొట్లాపూర్ ఎత్తిపోతల పథకాన్ని చేపడుతున్నామని సీఎం అట్టహాసంగా ప్రకటించినా ప్రాజెక్టు పనులకు అడుగు పడటం లేదు. మేడారంలో 10 నెలల క్రితం ముందస్తు ప్రణాళిక లేకుండా పథకాన్ని అప్పటికప్పుడు ప్రకటించి గత ఆగస్టు నెలలో భూ సేకరణ అవసరం లేకుండానే పనులు చేపడుతామని నీటి పారుదల శాఖ అధికారులు పేర్కొన్నారు. ములుగు మండలంలోని 35 చెరువులు, కుంటల్లోకి గోదావరి జలాలను తరలించేందుకు చేపట్టిన పొట్లాపూర్ ప్రాజెక్టు గత బీఆర్ఎస్ ప్రభుత్వ హయాంలో చేపట్టిన రామప్ప సరస్సు నుంచి నర్సంపేట నియోజకవర్గం నల్లబెల్ల మండలం రంగాయచెరువు, ఖానాపూర్ మండలంలోని పాకాల సరస్సు వరకు నిర్మించిన పైప్లైన్ పథకంలో సేకరించిన భూమిని వినియోగించి పొట్లాపూర్ ప్రాజెక్టును చేపట్టనున్నట్టు ప్రాథమికంగా ప్రణాళిక రూపొందించారు.
రామప్ప నుంచి జంగాలపల్లి చెరువులోకి 3.4 కిలోమీటర్ల పైప్లైన్, రామప్ప నుంచి లోకం చెరువు, కోమటి చెరువు వరకు 8.7 కిలోమీటర్లు, పత్తిపల్లి, పొట్లాపూర్ గ్రామాల్లో ఉన్న చెరువులకు 11.7 కిలోమీటర్ల మేర వేర్వేరుగా మూడు పైప్లైన్లను నిర్మించి రామప్ప సరస్సులోని రంగారావుపల్లి పంప్హౌస్ వద్ద మూడు మోటర్లను ఏర్పాటు చేసి ఎత్తిపోతల ద్వారా 700 ఎంసీఎఫ్టీల నీటిని తరలించాలని ప్రాజెక్టుకు రూపకల్పన చేశారు. అయితే, ప్రాజెక్టు ప్రతిపాదిత ప్రాంతంలో వ్యవసాయ భూములు, కొంత మేరకు ఎస్సారెస్పీ ఆయకట్టు పరిధిలో ఉన్నాయి. సదరు కాలువల్లో ఇప్పటివరకు సాగు నీరు పారడంలేదు. ఎస్సారెస్పీ ఆయకట్టు మినహాయించి పొట్లాపూర్ ప్రాజెక్టులో తమ భూములను కలిపి ప్రాజెక్టును రీ డిజైన్ చేయాలని రైతులు కోరుతున్నారు. మే నెలలో టెండర్ ప్రక్రియ పూర్తయిందని అధికారులు చెప్తున్నా పనుల ప్రారంభంలో రోజురోజుకూ ఆలస్యం జరుగుతుండటంతో ప్రా జెక్టుపై నీలినీడలు కుమ్ముకున్నాయి.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

