ఇంటర్నల్‌ స్లైడింగ్‌లో 1,229 మంది సీట్ల మార్పిడి

పాలిసెట్‌ ఇంటర్నల్‌ స్లైడింగ్‌ సీట్లను మంగళవారం కేటాయించారు. 1,619మంది ఆప్షన్లు ఎంచుకోగా, 1,229 మంది సీట్లు మార్చుకున్నారు.

హైదరాబాద్‌, జూన్‌ 30 (నమస్తే తెలంగాణ) : పాలిసెట్‌ ఇంటర్నల్‌ స్లైడింగ్‌ సీట్లను మంగళవారం కేటాయించారు. 1,619మంది ఆప్షన్లు ఎంచుకోగా, 1,229 మంది సీట్లు మార్చుకున్నారు. ప్రభుత్వ, పాలిటెక్నిక్‌ కాలేజీల్లో స్పాట్‌ అడ్మిషన్ల షెడ్యూల్‌ను అధికారులు విడుదల చేశారు. ఈ నెల 3 వరకు దరఖాస్తులు స్వీకరించాలని, 4న సీట్లు భర్తీ చేయాలని, ఈ నెల 8లోగా స్పాట్‌ ప్రక్రియను పూర్తిచేయాలని పేర్కొన్నారు.

ఎస్సీ గురుకుల సొసైటీలో మినీ బ్లాక్‌ ప్రారంభం

హైదరాబాద్‌లోని ఎస్సీ గురుకుల సొసైటీ ప్రధాన కార్యాలయంలో నిర్మించిన నూతన మినీ బ్లాక్‌ భవనాన్ని సంక్షేమ శాఖ మంత్రి అడ్లూరి లక్ష్మణ్‌ కుమార్‌ మంగళవారం ప్రారంభించారు. అనంతరం బ్లాక్‌లోని వసతులను పరిశీలించారు.