బాలికపై లైంగికదాడి.. ముగ్గురిపై పోక్సో కేసు

నల్లగొండ జిల్లాలో ఓ చిన్నారిపై ఇద్దరు యువకులు 8 నెలలుగా లైంగికదాడి చేయడంతో గర్భందాల్చింది. బాలిక ఆరు నెలల గర్భవతి కావడంతో గ్రామంలో పంచాయితీ పెట్టారు. తప్పు నాది కాదంటే నాది కాదంటూ ఆదిమల్ల అజయ్‌, బండారు అఖిల్‌ తప్పించుకునే యత్నం చేశారు.

హాలియా, జూలై 17: నల్లగొండ జిల్లాలో ఓ చిన్నారిపై ఇద్దరు యువకులు 8 నెలలుగా లైంగికదాడి చేయడంతో గర్భందాల్చింది. బాలిక ఆరు నెలల గర్భవతి కావడంతో గ్రామంలో పంచాయితీ పెట్టారు. తప్పు నాది కాదంటే నాది కాదంటూ ఆదిమల్ల అజయ్‌, బండారు అఖిల్‌ తప్పించుకునే యత్నం చేశారు. ఈ విషయం సోషల్‌ మీడియాలో చక్కర్లు కొట్టడంతో పోలీసులు రంగప్రవేశంచేశారు. బాలిక ఫిర్యాదు మేరకు ఆదిమల్ల అజయ్‌, బంగారు అఖిల్‌తో పాటు రాములమ్మపై పోక్సో, పలు సెక్షన్ల కింద కేసు నమోదు చేసినట్టు హాలియా ఎస్సై సాయి ప్రశాంత్‌ తెలిపారు.

ఇంకా చదవల్సిన వార్తలు

పోక్సో కేసులో పదేండ్ల జైలు
ఓదెల, జూలై 17 : పెద్దపల్లి జిల్లా పొత్కపల్లి పోలీస్‌స్టేషన్‌ పరిధిలో నమోదైన పోక్సో కేసులో నిందితుడికి పదేండ్ల జైలు శిక్ష, రూ.20 వేల జరిమానా విధిస్తూ పెద్దపల్లి పోక్సో ప్రత్యేక కోర్టు తీర్పునిచ్చింది. ఓదెల మండలం కొలనూర్‌కు చెందిన దు న్నపోతుల కుమార్‌ ఓ బాలికపై లైంగికదాడి చేయగా ఆమె తల్లి ఫిర్యాదుతో పొత్కపల్లి పోలీస్‌స్టేషన్‌లో పోక్సో కేసు నమోదైంది. న్యాయమూర్తి స్వప్నారాణి ఇరుపక్షాల వాదనలు, సాక్ష్యాధారాలను పరిశీలించి తీర్పు వెలువరించారు.