త్వరలో టెస్కో శానిటరీ నాప్‌కిన్స్‌: తుమ్మల

టెస్కో ద్వారా రాష్ట్రంలో శానిటరీ నాప్‌కిన్‌ తయారీ యూనిట్లు ఏర్పాటు చేయనున్నట్టు వ్యవసాయ, జౌళి శాఖ మంత్రి తుమ్మల నాగేశ్వరరావు వెల్లడించారు.

హైదరాబాద్‌, మే 17 (నమస్తే తెలంగాణ): టెస్కో ద్వారా రాష్ట్రంలో శానిటరీ నాప్‌కిన్‌ తయారీ యూనిట్లు ఏర్పాటు చేయనున్నట్టు వ్యవసాయ, జౌళి శాఖ మంత్రి తుమ్మల నాగేశ్వరరావు వెల్లడించారు. శుక్రవారం సచివాలయంలో మంత్రి తన శాఖలపై ఉన్నతాధికారులతో సమీక్ష నిర్వహించారు.

తెలంగాణ చేనేత పారిశ్రామిక సహకార సంఘం ద్వారా శానిటరీ నాప్‌కిన్‌ యూనిట్ల ఏర్పాటును వేగవంతం చేయాలని సూచించారు. విద్యాశాఖ ద్వారా విద్యార్థినులకు నాప్‌కిన్లను సరఫరా చేసేందుకు చర్యలు తీసుకోవాలని చెప్పారు. అన్ని ప్రభుత్వ శాఖలు టెసో వస్త్రాలను కొనుగోలు చేయాలని ఆదేశించారు. సమావేశంలో పరిశ్రమలశాఖ ముఖ్య కార్యదర్శి జయేశ్‌ రంజన్‌ తదితరులు పాల్గొన్నారు.